Kinabukasan ay hindi muna pinabukas ni Yell ang shop sa amin kaya ngayon nga ay nasa bahay lang ako.
Maaga din umalis si Nichola dahil may kailangan daw siyang lakarin para sa scholarship niya kaya naiwan lang akong mag-isa dito.
Abala ako sa paglilinis nang makarinig ako ng sunod-sunod na pagkatok. Itinabi ko muna ang hawak kong walis sa gilid at binuksan ang pinto.
Nabigla ako nang makitang nakatayo roon si Zel habang may hawak na bulaklak at malaking pusa na stuff toy.
Pinigilan kong mapangiti dahil sa kilig at nanatili lang nakatitig sa kanya.
"Good Morning. Pwede na ba akong pumasok?" sabi niya na nagpabalim sa akin sa wisyo.
Tsaka ko lang din napagtanto na halos mukha na akong basahan sa itsura ko. Pasimple kong inayos ang buhok ko at nilakihan ang pagkakabukas ng pinto para p
