Kapwa lang kaming tahimik habang magkayakap sa malaki niyang kama.
Pagkatapos kasi kumain at hugasan ang pinagkainan namin ay nagyaya na siya agad pumanhik. Medyo sumakit daw kasi ang ulo niya kaya agad din akong nag-alala.
"Ilang buwan na din tayong magkakilala pero wala tayong alam sa isa't isa tapos niligawan mo pa ako. Ano bang nakita mo sa akin?" mahinang tanong ko sa kanya habang nakahiga sa dibdib niya.
"That's what I've been asking myself the whole time. Ano nga bang meron sa isang Eos Carisa Amaro at napa-ibig mo ang isang katulad ko?" mapaglaro niyang wika at hindi ko maiwasang mapangiwi sa sinabi niya.
"Walang meron sa akin. Hindi ko nga din alam sa iyo at ako ang ginugulo mo. Baka naman iniisip mo pa din na naghahabol ako sa pera mo? Sabi ko nga sayo--" hindi ko na naituloy
