Hindi ko alam kung paano ako naka-uwi. Pagkagising ko ay napahawak na lang ako sa ulo ko sa sobrang sakit at nakita kong nasa loob na ako ng kwarto ko.
“Gising na pala! Kelly! Pinag-alala mo naman kami!” Hinawakan ni Mama ang kamay ko habang naka-upo siya sa tabi ko.
“May masakit ba sa’yo? Okay ka lang ba? Tubig?” Tanong ni Daddy habang naglalakad palapit sa akin.
“Medyo masakit lang po ‘yung ulo ko Ma, Daddy.”
Agad akong inalalayan ni Mama na makaupo at sumandal sa headboard.
“Naku! Buti na lang talaga at kasama mo si Kevin.”
Agad kong naalala ang nangyari sa kotse niya. Napabuntong hininga na lang ako. Sigurado akong nag-aalala na sila Mama at Daddy.
“Nai-kwento na sa amin ni Kevin ang nangyari. Sabi ko naman sa’yo bumalik ka na sa Doctor mo eh. Kaso palagi mong sinasabi na
