- PRINCESS WENDYRELLA -
"Pisti ka! Sinabi ng tulog na si Naynay eh. Kakaltukan na kita," pagbabanta ko sa kaniya.
Tinakpan niya ang kaniyang bibig at patuloy pa rin sa pagtawa pero wala ng ingay. Hawak niya pa ang kaniyang tiyan. Kinabag siguro kakatawa. Nang mahimasmasan ay hinawakan ako nito sa magkabilang balikat.
"Gusto ko si Laiza."
"Huh?"
"Gusto ko ang pagiging bibo niya." At tumawa na naman ito ng walang sound.
Dahil hindi na ako natutuwa kakatingin sa pagmumukha niya ay tinulak ko siya palabas ng bahay. "Oy. Oy. Grabe ka naman, Neng. Masisira naman ang guwapo kong mukha sa ginagawa mo eh. Dahan-dahan lang sa pagtulak. Ikaw naman, napaka-pikunin mo talaga."
"Umuwi ka na, Tok. Nandito ako sa terrace para mag-relax, hindi para lalo mabuwisit. Badtrip na nga ako sa kaniya, tapos
