- PRINCESS WENDYRELLA -
Tanga rin naman ako kasi pumatol ako sa gusto niya. Medyo takot din kasi ako kung tunay nga niyang ipapaalam sa buong Wow Academy ang lihim ko. Ayaw ko naman na pag-usapan sa eskwelahan dahil ayoko ng gulo. Kaya para manahimik lang talaga si Peter ay pumayag ako sa gusto niya.
Hanggang ngayon pa rin naman, nagtataka pa rin ako at palaisipan sa akin ang mga kinikilos niya. Parang gusto kong maniwala na talagang gusto niya ako kaya ganito siya kalambing sa akin. Gusto ko talaga maniwala na puwedeng maging totoo ang lahat ng ito.
Bahagya akong nagulat nang may maramdaman akong pumatong sa ulo ko. Napatingala ako at nasilayan ko ang maamong hitsura ni Peter Pan na nakatunghay sa akin.
"Ang lalim ng iniisip ng prinsesa ko ah." Hinalikan niya ang tuktok ng ulo ko at s
