Buong gabi akong gising. Isang oras mahigit lang yata ang tulog ko kaya bangag na bangag ako ngayon. Muntikan pa nga akong masubsob nang bababa na ako ng jeep. Mabuti na lang at may jeep na ng ganitong oras. Ang aga-aga pa kasi kaya mahirap mag-abang ng masasakyan.
Hindi ko naman trip ang nagta-tricycle kapag papunta ng school dahil namamahalan ako sa bayad.
"Uy, okay ka lang?"
"U-Uy..." Ang lakas ng kabog ng dibdib ko sa biglang paglitaw ni Ezrel sa harap ko.
Madilim pa at wala masyadong ilaw rito kaya hindi ko napansin na palapit siya sa'kin.
"Ang tagal mo," pagrereklamo niya.
"Bakit? Sakto lang ako, ah..." Aniko at tumingin sa orasan sa wrist ko.
Maaga pa nga ako ng 15 minutes sa tinakdang oras na pagtitipon.
"Kanina pa ako ritong 3am," nakakrus ang braso na wika niya at
