Minding My Ex-husband (Retired Mafia Series 1)

NAITAPON ni Dwayne ang kaniyang baril sa gilid ng kalsada at nahulog sa rehas na bakal na siyang takip ng imburnal. Tumakbo siya palayo sa freezer van na kaniyang sinabotahe. Ang laman ng mga iyon ay mga organs ng tao na isa sa patagong modos ng kalaban nilang sindikato. Ang may-ari niyon ay si Mariano Corteza, na leader ng Cosa El Hombre Organization na naka-base roon sa Southern Italy. Isa lamang ito sa pinakamalaking grupo na kalaban ng Black Horn Organization, grupo rin ng mga mafia ngunit nanatiling lihim at hindi nakikilala sa underground market. They used code names to cover up their existence. He was a member of BHO for two years. His friend Wallace convinced him to join the group for fantastic benefit, especially for his business and protection. But suddenly, Mariano’s men caught him while opening the freezer van. Kinuhaan niya ng litrato ang mga iyon, mga code ng baril, serial numbers, at sinuwerte siya na may nakita siyang papeles na may kinalaman sa transaksyon ng grupo. Pagkatapos ay pinadala niya ang mga retrato sa opisina ng sikat na anti-syndicate organization bilang ebidensiya. Isa iyon sa misyon niya, ang pabagsakin ang sikretong grupo ni Mariano upang mabawasan ang mabigat na kalaban nila sa underground market, at mawala na ang grupo na nagpapalaganap ng organ-trafficking, na ipinagbabawal na ng namumuno sa underground market. Alam niya hindi siya tatantanan ng tauhan ni Mariano na nakakita sa kaniya. Naalis niyon ang maskara niya kaya nakita ang kaniyang mukha. May mga spy devices ang mga tauhan nito katulad ng spy contact lenses at voice recorder, na maaring mai-record ang nakita. Dalawa sa mga ito ang humabol sa kanya. Sumuot siya sa ilalim ng nakaparadang kotse. Nilagpasan lang siya ng dalawang lalaki. Mabuti na lang, anonymous ang identity ng grupo nila sa underground market. Sa dami ng grupo, wala nang nagtitiyaga na matukoy sila. Karamihan sa grupo ay mga talamak ang negosyo na may kinalaman sa sugal at pamimirata. Ang target naman nila ay pangugolekta ng mga antiques sa iba-ibang bansa at inilalatag sa auction para sa bidding. May sugal ding negosyo ang grupo pero mas kumikita sila sa pamimirata. Ang mga antique ay kinukuha at pinapalitan ng peke mula sa orihinal na pinaggalingan. Maraming mayayaman na antique collectors na lumalahok sa auction kaya ito ang priority nila. Kumislot siya nang tumunog ang kaniyang cellphone na nasa bulsa ng kaniyang pantalon. Mabuti nakalayo na ang dalawang lalaki na humahabol sa kanya. Dinukot niya ang cellphone at sinagot nang malaman na si Wallace ang tumatawag. “Where are you?” tanong nito sa paos na tinig, halatang kagigising lang. “I’m here at the town proper, escaping from the two idiots, who were chasing me,” amuse niyang tugon. Tumawa si Wallace. “Go home, asshole! Your wife is here in my condo.” Napaangat siya ng ulo. “Ugh!” daing niya nang mauntog siya. Gumapang siya palabas saka tumayo. Inayos lang niya ang kaniyang buhok at damit saka naglakad na parang walang nangyari. “Don’t tell anything to my wife or I’ll slit your neck!” gigil na sabi niya sa kaibigan. Tumawa pa ito. “Come on, how can I answer her question if I don’t talk to her? She’s angry, bro. Bakit kasi hindi mo pa sabihin sa kaniya ang sikreto mo? Hanggang kailan ka maglilihim? Alalahanin mo, walang usok na nakikimkim.” Pumalatak na ito. Pumara siya ng taxi. “Iyan ang hindi ko kayang gawin, bro,” sabi niya nang lulan na siya ng taxi sa may backseat. “My wife was a conservative woman, a religious, and you know that she’s－” A woman’s voice from Wallace's line cut him off. Nanginig siya nang biglang magsalita si Ingrid, na kaniyang asawa. “I already knew all your secrets, Dwayne! Just go home and talk to me!” she said, and obviously crying. Biglang naputol ang linya. Natigagal siya, nanlulumo. Katapusan na ng maliligaya niyang araw. Paano nalaman ni Ingrid ang pinaggagawa niya? Mamaya ay biglang tumawag si Wallace. Sinagot niya ito ngunit nauna itong dumaldal. “I’m sorry, bro, it’s too late. Kinastigo ako ni Ingrid, galit na galit sa akin. Pinasusundan ka pala niya sa in-hire niyang private investigator para alamin ang mga kilos mo. Noon pa pala siya nagdududa. I told you to be vigilant all the time. You’re careless these few weeks, and now, Mariano has recognized your face. They won’t stop hunting you,” ani ni Wallace. He sighed. “Fine, it’s all my fault,” he said in a coarse voice. Kinakabahan siya sa susunod na mangyayari. Hindi pa niya alam kung paano haharapin si Ingrid. Doon sa Italy nag-aral si Ingrid ng pre-med course, and she pursued Doctor of Medicine. Nagkakilala sila nito sa university kung saan sila parehong nag-aral ng pre-medical course. Dapat ay sabay silang magtatapos pero tumigil siya dahil magkasunod na namatay ang mga magulang niya at kinailangan niyang sagipin ang pabagsak nilang negosyo. Tatlong buwan lang niyang niligawan si Ingrid at kaagad siyang sinagot. After one year of their relationship, he proposed to her a marriage that she immediately accepted. Ikinasal kaagad sila roon sa Italy. Pero mukhang mapurnada pa ang mga pangarap na sabay nilang binuo. He can’t afford to lose his company. Ayaw rin niyang maranasan ni Ingrid maghirap sa piling niya. Kaya naingganyo rin siya na maging miyembro ng BHO ay upang mapabilis ang pag-angat ng negosyo. Napabilis lang ang pasok ng pera sa kaniya kaya siguro nahalata ni Ingrid. Ang inutang niyang isang bilyon kay Wallace para sa lifetime membership ng BHO ay nabayaran na niya. Kaso, mukhang hanggang doon na lang siya. He has to choose between BHO and his wife. “I’m sorry, bro. I can't help you in this situation,” sabi lang ni Wallace. Hindi na niya ito kinausap. Nag-iisip na siya ng paliwanag kay Ingrid kahit wala na siyang maidadahilan pa. Dumating na nga ang kinakatakutan niya, ang mapalayo ang loob sa kaniya ng babaeng mahal niya. Pagdating sa bahay niya ay nakaabang na sa salas si Ingrid. Umiiyak ito habang nakaluklok sa couch. Nilapitan niya ito at akmang yayakapin ngunit marahas siya nitong itinulak. She stood up and slapped him on his cheek from left to right. Bahagya siyang nahilo. “I thought I’m the luckiest woman on earth since I met you. But it’s a nightmare, Dwayne! Bakit? Hindi pa ba sapat sa iyo ang kinikita mo sa kompanya ng magulang mo?” lumuluhang palatak nito. Nagtagis ang bagang niya. Matapang pa rin siyang tumitig sa luhaang mga mata nito. “You don’t understand me, Ingrid. I’m doing this to sustain my company needs that couldn’t recover from bankruptcy! Ito na lang ang meron ako na alaala ng mga magulang ko,” depensa niya. Ingrid tilted her head and gazed at him with full of disappointment in her eyes. “Why you didn’t tell me about the company? I am your wife. Helping you was my obligation! Pera lang pala ang kailangan mo, eh. Makauutang naman tayo sa parents ko. Hindi mo kailangang pumasok sa ilegal na negosyo para lang buhayin ang pamilya mo, Dwayne! Mas gugustuhin ko pang magdildil sa asin kaysa kakain ng masarap pero mula naman sa nakaw at maruming pera!” Pakiramdam niya ay libu-libong karayom ang mga salitang binitawan nito. Nanuot ang kirot sa kaniyang puso. Ngunit ipinilit pa rin niya ang kaniyang pride. “Sorry if I disappoint you, but I can’t afford to lose my company, the only thing that my parents left to me. I also want to prove to your parents that I can raise my family using my own money,” depensa niya. Tinampal siya ni Ingrid sa dibdib. “You’re such a coward person, Dwayne! Takot kang maghirap dahil never mong naranasan! Wala kang diskarte na marangal dahil simula nang namulat ka sa mundo ay nakasandal ka sa iyong mga magulang. Ni kahit underwear mo hindi mo alam labahan! Kung tutuusin, pareho lang tayo ng katayuan sa buhay, eh. Ang kaibahan lang natin, duwag ka at hindi nagagamit nang maayos ang pride!” Napahagulgol ito habang walang lakas na sinusuntok siya sa dibdib. “I-I can’t take it. I’ll go home to the Philippines after my graduation,” anito saka siya iniwan. Tulalang naiwan si Dwayne. Nag-init ang bawat sulok ng kaniyang mga mata. Pakiramdam niya’y kinukuyumos ang kaniyang puso. Nanlulumong lumuklok siya sa couch at hindi na napigil ang pagtagistis ng kaniyang mga luha bugso ng labis na emosyon. Hindi niya alam kung paano maayos ang gusot. Ayaw niyang igiit ang negatibong isipin, ang posibleng mawala sa kaniya si Ingrid, bagay na hindi niya inisip noon. Umaasa siya na maiintindihan din siya nito balang araw. Ngunit mali siya dahil tila hindi siya kayang intindihin ng kaniyang asawa. Habang tumatagal ay lalong lumalala ang sitwasyon. Hindi na nahintay ni Ingrid ang graduation nito. Nag-file ito ng divorce at umalis sa kaniyang bahay. Hindi niya alam kung saan ito lumipat. Wala ito sa bahay ng tito nito na dating tinitirahan. Hinanap niya ito ngunit nawalan siya ng pagkakataon nang patuloy siyang hinahanap ng tauhan ni Mariano. Nakikipaghabulan siya rito saan man siya mapunta. And one day, he just found himself inside the BHO headquarter. Nakahilata siya sa sahig habang pinaliligiran ng miyembro ng grupo. “You need to stay here for your safety, Dwayne. Stop chasing a woman who left you in vain,” sabi ni Yoshin, ang leader at nagtatag ng BHO. Nahihilo siya. Gusto niyang tumakas ngunit hindi siya makagalaw. Maya-maya ay may itinurok ang mga ito sa kaniyang kaliwang braso. Nang dumantay ang likido sa kaniyang mga ugat ay ginupo siya ng matinding antok, hanggang sa tuluyan siyang nakalimot.