Chapter 20
Kaagad na natigilan si Kara nang maalalang naiwan niya pala sa kanyang kuwarto ang binatang si Vlaire. Ilang minuto na ang nakalipas bago niya ito naalala. Kumaripas siya ng takbo papunta sa kanyang kuwarto dahilan upang magulat sa kanya ang kanyang ama.
“Huwag kang tumakbo, Kara. Baka masira ang sahig at mahulog ka sa baba. Alam mo namang gawa sa kahoy itong sahig natin,” paalala sa kanya ng ama.
Kaagad siyang humingi ng tawad. “Sorry po, ‘Tay. Nakalimutan ko po kasing i-review ang notes ko po,” pagsisinungaling niya bago dumiretso papasok sa kanyang silid. Pagpasok ay kaagad niyang sinara ang pinto. Nagulat pa siya nang makitang prenteng nakaupo si Vlaire sa kanyang upuan at kasalukuyan itong nagbabasa ng isang librong romance.
Mabilis niyang inagaw sa lalaki ang libro
