Chapter 29
Natapos ang kanilang trabaho na hindi man lang umiik kay Kara ang kaibigang si Camilla. Lumalayo ito kapag nagkakasalubong sila ni Black at hindi niya maintindihan kung bakit.
Tinanong niya ang dalaga habang nasa kusina sila at nag-aayos na ng kanilang mga gamit. Papadilim na rin kaya nagmamadali siya. “Camilla, bakit naiinis ka kay Black?” nagtataka niyang tanong sa dalaga.
Umismid lang ito. “Hay, basta! May kakaiba sa kanya,” pabulong nitong sabi.
Kumunot ang noo ni Kara. “Huh? Wala naman akong napapansin sa kanya,” salubong ang kilay niyang sagot.
“Pft! Ewan ko sa iyo. Ang sinasabi ko lang naman ay mag-ingat ka sa kanya. Alam ko namang mabait siya sa iyo, Kara. Pero, kasi, bigla-bigla na lang siyang sumulpot sa lugar natin at ikaw kaagad ang nakilala niya. Baka mamaya
