Chapter 16
Nakaramdam ng mahinang yugyog sa braso si Kara. Mabilis siyang napadilat. Maagap niyang inilayo ang kanyang ulo na nakapatong na pala sa balikat ng binata.
“Let's go. We're here,” anunsyo ng binata.
Mabilis na tumayo si Kara dahilan upang mabangga kanyang ulo sa lagayan ng bagahe. “Aray ko po!” daing niya dahil sa sakit.
“Why are you such in a hurry?” nagtataka nitong tanong sa kanya.
Sinimangutan niya ito. “Tumayo ka na nga riyan. Ang tagal mo naman. Baka mamaya ako na lang pala ang hinihintay nila. Mapagalitan pa ako,” nakanguso niyang reklamo.
Nagtaas ito ng kamay na animo ay sumusuko. “Easy. Kabababa lang nila,” anito sa bulol na dila. Ngayon lang nalaman ni Kara na hindi pala masyadong nakakapagsalita ng filipino ang lalaki. Halata naman sa buily ng katawan nito n
