"Huwag mong sabihing ikaw?"
Napatingin si Drake sa kanyang likuran matapos makausap ang doktor na tumingin kay Sidney. Sinabi ng doktor na nasa maayos nang kalagayan ang dalaga, ngunit nawalan ito ng malay dahil sa sobrang pagod at matinding panic. Ramdam ni Drake ang kaba at bigat sa dibdib habang iniisip ang nangyari sa dalaga. Napapikit siya saglit, sinusubukang pakalmahin ang sarili, ngunit isang pamilyar na boses ang gumambala sa katahimikan ng corridor.
Nakita niya si Edward na nakatayo, halatang galit. Nag-aalab ang mga mata nito, parang apoy na gustong lumamon ng sinumang humarang sa daan.
"Ikaw ba ang lalaking sinasabi ni Sidney?" singhal nito sabay lapit kay Drake. Walang sabi-sabi, kinuwelyuhan siya ng pinsan.
Mabilis namang hinawakan ni Drake ang kamay ni Edward, pinigilan
