"Aray naman, dahan-dahan lang!" reklamo ni Sidney habang pilit na binabawi ang kamay sa pagkakahawak ni Drake. Nilalagyan kasi nito ng gamot ang sugatang bahagi ng kanyang balat, at kahit anong iwas niya ay mahigpit ang hawak ng binata.
"Hmp. Kanina, ang tapang-tapang mo. Kung makipagsabayan sa mga lasing, akala mo hindi nasasaktan. Ngayon, daing ka nang daing," anang binata, habang pinipisil-pisil pa ang kamay niya para masigurong malinis ang sugat bago lagyan ng gamot.
"Eh kasi ang hapdi!" reklamo ni Sidney, halos mapangiwi habang pinipigilang hilahin muli ang kamay niya.
Ngunit binawi ulit ni Drake ang kamay niya at mas maingat na nilagyan ng gamot. Sa bawat pahid, sinasamahan pa ng marahang paghipan sa sugat—na para bang sinasadya niyang patagalin ang eksena.
Hindi maintindihan ni
