Nanginginig ang kamay ni Drake habang pinipigaan ng malamig na bimpo ang noo ng babaeng nakahiga sa kama. Malamlam ang ilaw sa kwartong iyon, pero kitang-kita ang pamumula ng pisngi ng dalaga, ang maputlang labi, at ang panay na paghinga na tila hirap na hirap.
Tiningnan niyang muli ang thermometer.
39.7°C.
Napamura siya sa isip. Kanina pa niya sinusubukang pababain ang lagnat nito. Tinurukan na niya ito ng gamot, pinaliguan ng maligamgam, pinainom ng tubig—lahat ng alam niya, ginawa na niya. Pero tila mas lalong tumitindi ang init ng katawan nito.
“Hindi na ‘to biro,” bulong niya habang kinakausap ang sarili.
Halos dalawang oras na mula nung tinurukan niya ng gamot si Sidney. Dapat ilang minuto lang, bumababa na ang lagnat. Pero ngayon—wala. Ni kaunting pagbabago, wala.”
Lumuhod siy
