Namilog ang mga mata niya. Ano ang ginagawa ni Apollo ro’n? Pumara rin ba ito ng taxi? O baka tinawagan nito ang driver ng pribado nitong sasakyan para ihatid ito roon? Pero wala namang nakaparadang itim na Maybach malapit dito.
“Paano ka nakarating diyan?” tanong niya rito, nasa linya pa rin ito.
“May dumaang truck na may dalang mga sako ng bigas,” anito. “Nakiusap akong makisakay.”
“Ha?” Natutop ni Ahtisa ang noo niya. Ni sa panaginip hindi niya naisip na makikisakay sa truck ng mga sako ng bigas si Apollo. Wala na talaga, kumpirmadong tustado na ang utak nito. “Umuwi ka na, Apollo. Huwag kang patuloy na magpaulan diyan,” saway niya rito. “Hindi ako maaawa sa iyo,” dagdag niya.
“Let me just stay here. I don’t get sick easily. Gusto lang kitang makita kahit nandito lang ako, at nandiy
