Nakasarado na ang pinto at nakalabas na si Ahtisa, subalit hindi pa rin makakilos si Apollo. Nakatitig lang siya sa nakasaradong dahon ng pinto. His face was still very red, and he could still feel the strong rush of blood coursing through his veins, pulsating intensely. Wala sa loob na niluwagan niya ang pagkakabuhol ng suot na kurbata, at nasapo niya ang leeg, sabay buga ng hangin. Parang ang hirap huminga dahil ang apoy na nagliyab sa katawan niya ay hindi agarang maaapula.
May mini-fridge sa loob ng opisinang iyon, at dinalawang hakbang niya lang ang paglapit sa maliit na fridge para kumuha ng malamig na bottled water. Isang ikot niya lang sa takip ay nabuksan kaagad, at mabilis niyang inubos ang laman. Ramdam niya ang pagdaloy ng malamig na tubig sa linya ng lalamunan niya, pero par
