57 - Closer
Summer’s Point of View
“Grabe, akala ko talaga, Ate Tris, manliligaw mo si Kuya Alexander!” Masama kong tiningnan si Lenlen nang sabihin niya ‘yon nang harap-harapan. Katapat ko lang sila ni Latrisse pero kung makapagsabi siya ay para bang wala ako.
Weekend ngayon; nandito kami sa kwarto kasama si mama. Napagpasiyahan kasing dumalaw ni Latrisse dahil wala naman daw siyang gagawin. Pero alam ko talaga ang sadya niya. Liban sa regular siyang bumibisita kay mama para magdala ng groceries and essentials, may iba pa siyang pakay—at ‘yon ay sa akin.
“Excuse me?” tila na-offend niyang sambit. “There’s no way I’d fall for that man,” aniya at nanginig na tila ba’y diring-diri sa ideya.
“Bakit naman hindi, eh, ang gwapo-gwapo nga ni Kuya Alexander at mukhang mayaman pa,” giit naman
