55 - The Side of Me
Summer’s Point of View
Napamura na lang ako sa isipan ko nang marinig ko ang pagtigil ng dalawang sasakyan sa labas ng bahay. Kasunod nito ang pagsigaw ni Lenlen, “Ate, ‘andito na si Ate Tris!” Kasunod nito ay ang pagtakbo niya sa loob ng kusina habang malapad na nakangisi.
“Bakit ka nakangisi nang ganiyan?” taas-kilay na tanong ko sa kanya.
Lumapit siya sa akin. Tumingkayad pa para maabot lang ang tainga ko, “May kasamang pogi. Parang artista,” kinikilig niyang turan at napahagikhik pa. “Boyfriend niya kaya ‘yon?” aniya nang makalayo sa akin.
Hindi ko na siya nasagot pa dahil narinig ko na ang pagtawag ni Latrisse sa pangalan ko. Sigurado akong mabibigla ang kapatid ko mamaya sa oras na malaman niyang ako ang gusto ng pogi’ng nakita niya at hindi si Latrisse.
Sa
