بنات ٣٠ البارت السابع (سلاسل ابليس)

2302 Words

ذهبت لمياء الي العمل وهي متشوقه للتعرف على اخر زميله لها داخل المركز ومتشوقه تتعرف على قصتها التي من المؤكد انها هي الاخرى قد مرت بتجربه صعبه ولها قصه او مأساه كبيره مثل باقي البنات وعندما وصلت لمياء تعرفت بالفعل على مروه وكانت شخصيه مرحه تحب الهزار والكلام الكثير وعندما سألتها لمياء على قصتها قالت لها مروه .... يا بنتي انا خساره في البلد دي انا اصلا كنت عايشه بره مصر .... وقعدت بره اكتر ن ١٠ سنين وبعدين رجعت استقر في مصر معرفش ليه هههههههه .... وعلشان مطولش عليكي انا قبل ما اسافر كنت عايشه في دار ايتام ولما كملت ٢١ سنه طلعت من الدار وسلموني مبلغ علشان ابدأ بيه حياتي ولان مليش اي قرايب قررت اسافر بره مصر عشت سنين صعبه لحد ما قدرت اثبت رجلي واشتغل واحوش... قررت اني انزل مصر واحقق حلمي الوحيد ان يبقي ليا عيله واتجوز واستقر... دورت كتير علي شقه او بيت مناسب اقدر اسكن فيه وكنت بدور في الارياف علشان اقدر اتعرف علي الناس بسهوله يمكن الاقي عريس مناسبه لقيت بيت بسعر مناسب اوووي بس صاحب الببيت قالي ان كل اللي يجي يشتري البيت بعد ما يتفق معاه يمشي وميرجعش تاني... _ بصي يا بنتي انا مش عاوز اغشك البيت ده شكله محسود وحاله واقف.... = لا متقلقش يا حج رمضان حتي لو كان مسكون مش محسود انا هاخده ان شاء الله _ لا الله اكبر... البيت محدش اشتكي منه خالص هو حاله واقف بس من ساعه ما اتبني والحاجه بتقولي انه معمول عمل علشان حاله يقف... الارض دي كانت ورثي يا بنتي ولما معرفتش ابيعها قلت ابني بيت يمكن يتباع.... وزي ما انت شايفه كده بس يا بنتي انا عاوز اسأل سؤال = اتفضل يا حاج _ انتي هتعيشي في البيت ده لوحدك ازاي = انا يتيمه يا حاج و مقطوعه من شجره... ما ليش اي حد في الدنيا _يا يا بنتي... قطعتي قلبي... تعتبريني ابوكي والحاج انك انا هجبها ان شاء الله علشان تتعرف عليكي و يارب البيت يعجبك وتستريحي فيه = عموما... هو صحيح عاوز توضيب بس انا هاجي من النهارده اسكن فيه لاني قاعده في اوتيل وكويس انه في سرير وشويه حاجات صغيره... لحد ما افرشه ان شاء الله _ براحتك يا ابنتي مع ان الحاجات اللي فيه دي كراكيب قديمه من بيت العيله ورثتها برده والحاجه مردتش تدخلها بيتنا وانا علشان استجدعتك مش هاخد منك اي فلوس ولا حتي مقدم غير لما تقعدي فيه شهر وتقولي ان كله تمام ومشي الحاج رمضان وسابلي مفتاح البيت....... ومع اني شفت البيت كويس مع الحاج رمضان الا لما لفيته تاني وانا لوحدي حصلت حاجه غريبه وكأني بشوف البيت لاول مره........ الوان الحيطه اتغيرت شكل الاوض.... حسيت بحاجه غريبه بس قلت ان دي تهيئات واول حاجه عملتها في البيت الجديد قلت انام شويه واصحي قبل المغرب واقدر اسهر بقي في تنظيف البيت واكتب الحاجات اللي لازم اشتريها علشان بكره الصبح ان شاء الله اجبها.. نمت وبعد ما نمت بخمس دقايق بالضبط لقيت حد بيشدني من رجلي وبيصحيني وكانت خضه عمري ما هنساها...... لقيت حاجه بتشد في رجلي وانا نايمه مكاني مش عارف اقوم ومش شايفه ايه اللي بيشدني ده وبحاول اصرخ ما فيش اي فايده كان حد حايش صوتي.... الرعب تملكني وحسيت ان قلبي حيطلع من ص*ري من كتر الخوف.... فضلت كده حوالي عشر دقايق..... وفجأه صحيت من النوم انا كنت بحلم..... حلم كانه حقيقه بالضبط... وقمت دورت علي النت وعرفت ان اللي حصلي ده اسمه الجاثوم وانه حاجه طبيعيه بتحصل لاسباب كتير.... الحمد لله ان المشكله مش في البيت... انا كنت مفكر ان البيت طلع مسكون فعلا... و ملحقتش اطلع الفكره من دماغي وحصل حاجه خلت شعر راسي كله يقف...... فجأه سمعت صوت باب الاوضه اللي انا قاعد ه فيها بيتفتح براحه و نور الاوضه أطفا لوحده..... . و سمعت خطوات بتدخل الاوضه و كأن حد بيقرب عليا بس انا مش شايفه حاجه وكل ما الخطوات صوتها يقرب كنت ببرق بعيني في الضلمه علشان اشوف ايه ده وفي عز ما انا مركزه وباصه قدامي سمعت صوت طوب بيتحدف علي ازاز الشباك.... رحت جريت ناحيه الشباك وفتحته ملقتش اي حاجه بصيت للسما لقيت القمر منور السما وشكل النجوم رائع فيها _ اعوذ بالله من الشيطان الرجيم...... اكيد انا بيتهيئلي.... مافيش حاجه ... طلعت الموبايل من جيبي ورحت نورت النور الظاهر ان فيشه الكهربا بتعلق ولا حاجة وقعدت اقول لنفسي ليه انا خايفه كده.... هيبقي ايه يعني دي اكيد اوهام... وزي ما قلت للحاج رمضان حتي لو البيت ده مسكون ايه يعني.... ده انا عشت ايام سوده وانا صغيره في الدار كلها ظلم وخوف وقلق وعشت ايام اصعب في الغربه ..... شجعت نفسي وقمت اشوف البيت علشان اكتب الحاجات اللي هشتريها.... وانا بدور في البيت لقيت اوضه في الدور التاني بابها عليه خيوط عنكبوت كتير وكأن محدش دخلها من سنين مع اني وانا بشوف البيت مع الحاج رمضان كانت كل الاوض مفتوحه و شكيت في نفسي وقلت اكيد مختش بالي ساعتها... شلت العنكبوت ودخلت الاوضه والغريب اني لقيت فيها كراكيب كتير ع** باقي اوض البيت اللي كانت فاضيه تقريبا ارضيه الاوضه دي كانت خشب قديم وبيعمل صوت تزيق مخيف وانا بدوس عليه ومن كتر الحاجات اللي فيها قررت اني هسيبها للصبح وطلعت منها علطول .... وكملت لف في البيت لحد ما وصلت للسطوح... قلت اطلع اقعد في السكون شويه لاني من زمان بحب اتأمل في منظر نجوم السما.... والسطوح كان ليه باب خشب قصير م**ر اتفتح بكل سهوله اَول لما لمسته .... دخلت وفضلت قاعده علي الارض ببص للسما وفجأه نزلت عيني علي باب السطوح لقيت عنين حمرا صغيرة بتبص عليا.... للحظه تفكيري اتشل تماما..... مش عارفه اعمل ايه... طب ده الباب اللي هنزل منه اعمل ايه انا بقي انط من فوق السطوح.... فضلت العيون الحمرا بتبصلي وانا مش عارفه اعمل ايه.... قعدت الف حوالين نفسي لحد ما لقيت خشبه اخدتها ورمتها علي الباب...... لقيت حاجة سودا كبيره بتنط عليا وبتقول ماوووووووو بصوت بشع.... قطه........ طلعت قطه..... وسودا.... وعنيها حمرا....... انا لو فضلت اوهم نفسي كده هموت من الخوف بجد..... نزلت من فوق السطوح وانا بحاول اطمن نفسي ان مافيش حاجه حصلت...... نمت علطول يمكن لاني كنت عاوز اهرب من التفكير.... واول لما صحيت من النوم طلعت من الاوضه لقيت حاجه في منتهي الغرابة..... صنيه كبيره عليها انواع كتير من الاكل وعيش وفاكهة... اكيد الحاج رمضان جابلي اكل... بس كل ده... والله الراجل ده شكله طيب وانا عاوز اخد البيت بس علشان خاطره هو اول مره اكل كتير كده ... وانا بقول الحمد لله لقيت الحاج رمضان قدامي فجأه _ ايه يا ابنتي كل ده نوم انا جبتلك الاكل ولقيتك سايبه باب البيت مفتوح... حطيت الاكل وقلت اجيلك بعد شويه تكون صحيتي بس ما ينفعش تسيبي الباب كده مهما كان يا بنتي انتي بنت وعايشه لوحدك حتى لو احنا هنا في الارياف امان والكل عارف بعض هنا = حاضر يا حاج والله انا مش عارفه ازاي كان مفتوح ده انا كنت قفلاه كويس انا متاكده و بحد كتر خيرك يا حاج والله على الاكل بس ده كتير جدااا _ دي حاجه بسيطه يا ابنتي ... بس طمنيني نمتي كويس = والله الحمد لله... هو البيت مخيف شويه بليل بس نمت كويس الحمد لله _ في عربيه بره مستنياكي علشان لو عاوزه تروحي المركز زي ما قلتي امبارح = انا مش عارفه اشكرك ازاي والله _ لا شكر علي واجب يا بنتي يالا علشان تلحقي تيجي قبل المغرب = ماشي بس بشرط عاوزاك تيجي تتعشى معايا النهارده انت والحاجه ان شاء الله _ لا يا بنتي عشا ايه انا يدوب اخر حاجه بتنزل بطني الغدا وبصلي العشا وبنام علطول ولا بتعشي ولا بسهر.... = ماشي يبقي نتغدي سوا ان شاء الله بكره و سبت الحاج رمضان ورحت السوق اللي في مركز المدينه و مشترتش حاجه غير كشافات نور وشويه معلبات....ما انا لسه مقررتش هاخد البيت الغريب ده ولا لا.... و وصلت فعلا قبل المغرب وحسيت اني لسه مش جعانه لاني كلت كتير فعلا علي الفطار وقررت اني اطلع ادخل الاوضه اللي فيها كراكيب دي يمكن اعرف اطلع منها حاجه افرش بيها البيت من تحت و اول لما طلعت السلم وشفت الاوضه جالي زهول ....... باب الاوضه كان مقفول وعليه خيوط عنكبوت ولا كأني كنت فيها امبارح وشلت كل اللي عليه ده منكرش اني خفت من منظرها وحسيت ان في حاجة غلط بتحصل.... مش معقول انا نفضت العنكبوت ده امبارح ازاي كل ده اتلم عليه تاني بس الفضول خلاني انفض العنكبوت وادخلها لتاني مرة... صوت الخشب تحت رجلي وانا داخله الاوضه مع اصوات صرصار الغيط والضفادع اللي جايه من الاراضي الزراعيه اللي حوالين البيت كانت مؤشر ان في خطر مخيف بيقرب مني... كنت عماله ابحلق في كل الحاجات اللي موجوده في الاوضه... ولان الاوضه مكنش فيها نور حطيت كشاف كبير علي بابها.... وتجاهلت الخوف اللي انا حاسه بيه وقعدت اردد اذكار واصلي علي النبي زي ما كانت ابله فاطمه معلماني وانا صغيره لما اخاف من حاجه تذكر ربنا وربنا هينجيني وقعدت افتكر قد ايه هي ليها فضل عليا وهي اللي كانت بتعلمنا الدين والاخلاق.... وفي عز ما انا عماله افتكر زكريات الماضي ببص تحت رجلي لقيت تعبان كبير..... اول مره اشوف تعبان في الحقيقة.... ولحسن الحظ كان في كرسي عليه قالب طوب احمر مسكته بسرعه وقلت بصوت عالي بسم الله وحدفت قالب الطوب علي التعبان بسرعه من غير ما افكر.... وفجأه التعبان اختفي..... و مبقاش ليه اي اثر...... عرفت ساعتها انه مكنش تعبان ولا حاجه واتاكدت ان البيت ده فعلا مسكون... ومش عارفه ليه مطلعتش من الاوضه وفضلت ادور فيها وكأني كنت متأكده اني هلاقي حاجه.... قعدت اكتر من ساعة وانا بدور في الكراكيب الموجوده واللي مليانه تراب وتحت الشباك الموجود في الاوضه لقيت صندوق نحاس كبير مطوس وشكله غريب... قربت من الصندوق براحة علشان افتحه....... لكن معرفتش افتحه ابدااا كان عليه قفل مصدي كبير ...... ونزلت من الاوضه علشان ادور على حاجه ا**ر بيها القفل .... و بعدين قلت لنفسي ازاي هفتح حاجه مش بتاعتي مش ممكن تكون حاجه خاصه ..... وقعدت افكر بس الحقيقه مقدرتش .... الفضول كان هيموتني الحقيقه ....... قمت ودرت على حاجه ا**ر بيها القفل فلقيت مرزبه كبيره ختها و طلعت فوق بسرعه الباب كان مقفول تاني مع اني كنت سيباه مفتوح ... بس قلت يمكن الهوا قفله .... ضربت القفل ضربه جامده واول لما فتحته مالقتهوش صندوق.... طلع باب لسرداب تحت الاوضه... وقعدت اقول لنفسي ياتري السرداب ده بيوصل لايه الدنيا ضلمه فيه ومش شايفه اي حاجة غير كام سلمة تحت رجلي..... رحت جبت الكشاف من علي باب الاوضه وقررت انزل في السرداب نزلت السلالم وانا حانيه ظهري علشان اقدر انزل بس المكان ضيق اوي وحسيت بضيق في التنفس لحد ما وصلت لنهايه السلالم...... لقيت نفسي في اوضه تانيه مليانه قش...... و صناديق خشب حاولت اشيل الصناديق بس معرفتش كانت تقيله جدااا طلعت تاني علشان اجيب المرزبه ا**ر بيها الصناديق دي يمكن اعرف اشيلها على جنب لما تت**ر ... وانا نازله مره تانيه رجلي اتلوت و وقعدت على السلم كله ضحرجه .... و اطخبت في راسي خبطه جامده جدااا قعدت اتلم بعدها م ه طويله ...... بس برده حاولت اقوم وصممت اكمل المهمه للأخر .... حطيت الكشاف علي جنب وشيلت القش والصناديق بعد ما **رتها على جنب وشوفت منظر وقف قلبي ........ تحت القش كان في هيكل عظمي لشخص ميت..... وملفوف علي جسمه سلاسل حديد منظرها كان بشع... ياتري مين ده ومين اللي موته وايه السلاسل اللي ملفوف بيها ديه.... منطر الجثه وريحه الحشرات اللي حواليها كانوا ممكن يموتوني.... جسمي كله كان بيتنفض ورجلي وايدي بيرتعشوا... معرفش ازاي طلعت تاني بس المره دي كنت ماشيه علي ايدي ورجلي وحاسه اني فعلا بموت..... خرجت من الاوضه بسرعه ونزلت تحت في البيت وقعدت افكر انا هعمل ايه.... انا معرفش بيت الحاج رمضان ده فين ومعرفش رقم تلفونه حتي... هو اللي كان ديما بيجي قبل حتي ما افكر فيه... مافيش قدامي غير اني ابلغ البوليس..... _يا حضرة الظابط حضرتك بقالك أكتر من ساعه بتسألني نفس الاسئله = ما انتي يا مروه بتقولي كلام مش منطقي لو صحيح البيت ده ملك للراجل اللي انت بتقولي عليه ده... هو فين... طب بلاش... فين العقد اللي بينكم.... _ ما انا قلت لحضرتك انه مرديش يكتب حاجه غير لما اطمن للبيت = طب ده اسمه كلام برده... _ والله هو ده اللي حصل وانا كنت بدور علي بيت ونزلت المنطقه دي بالصدفه قابلت راجل طيب سألته علي بيت قالي انه عنده بيت بس محدش راضي يشتريه... والله يا فندم ده اللي حصل =عموما الموضوع هيتحول للنيابه ونبقي نشوف بقي كلامك صح ولا غلط قعدت اربع ايام وانا في الحبس مش عارفه انا بعمل ايه ومحبوسه ليه ..... وفين الحاج رمضان واختفي ليه؟ اكيد هو اللي قاتل القتيل ده وعاوز يلبسهالي ..... فضلت اذكر ربنا واردد لا اله الا انت سبحانك اني كنت من الظالمين... مبقولش غيرها تقريبا وعارفه ومتاكد ه ان ربنا هينجيني.. وفجأه.... لقيت قدامي الحاج رمضان..... _ انت جيت هنا ازاي.... = شكرااا يا ابنتي..... _ بتشكرني علي ايه انا هنا بسببك... قولهم الحقيقه... قولهم ان مليش دعوه بالجثه اللي في بيتك دي = متقلقش هما هيعرفوا واول لما الصبح يتنفس هتخرجي من هنا _ وانت عرفت منين وازاي جيت هنا اصلا ومين القتيل اللي كان في بيتك ده.... = ما هو انا بشكرك علشان كده... لولاك انت كان زماني لسه مرمي ومتكتف بسلاسل الموت.... وصحيت علي صوت الشاويش وهو بينادي عليا..... انا كنت بحلم... بس لما رحت لرئيس النيابه. اكتشفت ان كلام الحاج رمضان في الحلم كان صح ... _ استاذه مروه احنا مش عارفين انتي دخلتي البيت ده ازاي و اكتشفت الجريمه دي ازاي بس تقرير الطبيب الشرعي جه في صالحك بس الغريب ان الجثه طلعت لشخص مختفي من ١٥ سنه اسمه رمضان وانتي كنت بره مصر اثناء وقوع الجريمه = هو الحاج رمضان... _ هترجع للتخريف تاني .... عموما احنا لسه بنحقق في الموضوع علشان نعرف مين اللي قتله بس بالنسبه ليكي تقدري تروحي دلوقت بس سبيلنا عنوان ورقم تلفون علشان ممكن نحتاجك تاني في التحقيق بعد مده بفتح الجرنال لقيت خبر بعنوان سلاسل ابليس.. وفي الخبر تفاصيل ان اخ تجرد من كل مشاعر الانسانيه موت اخوه علشان الميراث.... وان الجريمه دي اكتشفت بالصدفه...... وجالي زهول.... لما الحاج رمضان مات من ١٥ سنه امال مين اللي كان بيكلمني وجابلي الاكل...... وازاي ممكن حد يقتل اخوه علشان شويه فلوس..... ايه رايك بقي يا لمياء في القصه دي هههههه صدقتي طبعا كل التفاصيل..... الصراحه دي كلها من تأليفي انا نفسي ابقي كاتبه قصص رعب ..... ٣ بس الحقيقه اني فعلا يتيمه وكبرت واتربيت هنا في الجمعيه وبعدها اشتغلت في مركز المكفوفين التابع للجمعيه لاني ببساطه ماليش اهل ولا اي مكان ممكن اروحه غير هنا

Free reading for new users

Scan code to download app

App Store Google Play

Facebookexpand_more