بنات ٣٠ البارت العاشر ( بنت من الجن)

4311 Words

بنت من الجن انا ايمان اخصائيه اجتماعية في مؤسسه رعاية الاحداث اشتغلت فيها من خمس سنين بعد ما اطلقت علطول.... اطلقت بعد جواز دام سبع سنين وقصه حب جميله قبله حبيت فتحي... ابن الجيران ، وهو كمان حبني لدرجه الجنون لدرجه الخزلان بعد جوازي بشهرين بابا وماما اتوفوا ورا بعض و حسيت اني لوحدي ماليش حد في الدنيا.... بس كنت مطمنه لان فتحي كان بيحبني وبيحاول يسعدني علي قد ما يقدر كنا عايشين علي قدنا ومبسوطين.... وفي يوم لقيت فتحي داخل عليا بيقولي _ ايمان حبييتي انا قررت اني اسافر = تسافر فين _ اي بلد... اشتغل واجيب فلوس..اقدر اعمل بيها مشروع السوبر ماركت اللي بحلم بيه = طب وليه كل ده ما عندك فلوسي اللي ورثتها ودهبي كمان خدهم وابقي شريكه ليك او رجعهملي لما الدنيا تمشي معاك . وبعد محايله طويله مني واقناع خد فعلا كل الفلوس والزهب اللي معايا وبعنا الشقه كمان ورحنا قعدنا في شقه مامته علشان يبدأ بمشروع حياته زي ما كان بيقول فتحي شغل الفلوس والمشروع كبر وبقي عنده هايبر ماركت كبير وكان كل يوم يقولي كل اللي انا فيه بسببك انتي وصمم يفتخلي حساب باسمي وخ، لي فيه كل الفلَس اللي خدها مني وحابلي دهب وكمان اشتري الشقه بتاعه بابا الله يرحمه من صاحب البيت وكتبها باسمي... عشت معاه اجمل سنين حياتي لحد ما جه في يوم فاجأني وقالي... _ ايمان انا خطبت وتجوز = ايه....؟؟؟ _ انتي عارفه اني بحبك بس ماما مصممه اني اتجوز علشان اجيب ولد مش معقول كل الفلوس دي وميكنش عندي ابن واحد... انتي عارفه قد ايه انا نفسي اكون اب كل الكلام اللي قاله بعد كده انا مسمعتهوش كنت في حاله زهول وحاسه اني بحلم... اطلقت منه وعشت في بيت بابا والحمد لله اشتغلت بعد الطلاق علطول اشتغلت في مؤسسه لرعايه الاحداث وكأن ربنا بيعوضني.... كنت بعامل الاطفال كلهم كأنهم اولادي.... لحد ما جت زينه..... طفله شكلها جميل وهاديه بس الغريب انهم حطوها في اوضه العزل وفهموني انها خطر وعملت كوارث قبل ما تيجي هنا بس ازاي..... ازاي الطفله الرقيقه دي ممكن تكون مجرمه..... اخت الملف بتاعها وقريته بعنايه شديده وقررت اني هحطلها خطه علاجيه وان شاء الله هنجح معاها زي ما نجحت مع باقي الأطفال..... قعدت وكتبت الخطه العلاجيه السلوكيه وكانت اول خطوه فيها ازاله الحواجز واقامه علاقه قويه معاها ولحسن الحظ عرفت هدخلها منين انا شبهها في حاجات كتير واهمها ان بابا وماما ماتوا مع بعض بنفس الطريقه اللي ابوها وامها ماتوا بيها دخلت عليها اوضه العزل ومع اول كلمه نطقت بيها.... كانت المفاجأه لسه بقولها ازيك يا زينه.... لقتها بصتلي وبرقت بعنيها ووشها اتحول وبقي لونه ازرق وكله عروق وكانها اتحولت لشبح مخيف..... ولقتها بتقولي بصوت اجش.... وهي قافله بؤها : _ اتاخرتي ليه؟؟؟؟ لقيت نفسي بطلع جري من الاوضه من كتر الرعب..... وقعدت في مكتبي اقري قران واقول اكيد البنت دي زي ما قالوا عنها انها ملبوسه وهي فعلا اللي عملت كل الكوارث االي مكتوبه في الملف... طب وبعدين..... هل اسبها زي ماهي واكتب تقرير ان الحاله خطر التعامل معاها ولا احاول اعالجها واشوفلها شيخ ولا معالج نفسي ولا ايه ...... وبعد تفكير طويل قررت اني هحاول معاها مره تانيه مش معقول اسيب طفله لمصير مجهول..... كمان انا مش عارفه ليه في حاجه بتشدني ليها.... قعدت طول الليل احاول اقرأ في كتب عن المس وعن الجن يمكن اوصل لحاجه.... ولقيت حاجه غريبه...... بحث بيحكي عن ان في طفله تقريبا زي زينه كده وكانوا مش عارفين يشخصوا حالتها واكتشفوا انها بتعاني من مرض نفسي بيخليها تغير نبره صوتها وتتقمص دور روح شريره وبتاذي كل اللي بيقربلها.... وعلي قد ما فرحت ان ممكن يكون عند زينه ده مرض نفسي علي قد ما احبطت لان كاتب المقال بيقول ان البنت انتحرت... . يعني ممكن زينه تنتحر او تحاول تاذي نفسها....... انا لازم اتحرك بسرعه واجيب حد يساعدني في علاج زينه وتشخيص حالتها... دورت علي كاتب المقال و عرفت بعد كده ان هو اللي شخص حالتها وكان بيعالجها لكن للاسف فشل.... بعتله رساله علي الميل وطلبت منه زيارة لزينه في المؤسسه وقررت اروح لزينه تاني يمكن افهم حاجه والمره دي رحت وانا معايا القران الكريم في ايدي... مع اني كنت شكيت ان اللي عندها ده مرض نفسي لكن انا برده لسه خايفه واول لما وصلت الاوضه اللي هي فيها حاولت افتحها ومعرفتش خالص المفتاح مش راضي يدخل في الباب قعدت اكتر من ربع ساعه وانا بحاول وفي الاخر جبت عم حسين الفراش ولكنه فشل برده في فتح الباب رحت علي مكتبي وانا متعصبه ومش عارفه اعمل... ومش عارفه افسر اللي حصل.... ومش عارفه ليه سبت كل اللي في ايدي واخدت مفتاح الاوضه ورحت جري علشان افتحها بس المره دي اتفتح علطول..... لقيت زينه بصالي وكأنها مستنياني..... _ صباح الخير يا زينه انا ايمان المشرفه بتاعتك = انتي عارفه كل حاجه عني مش كده؟؟ _ المعلومات اللي عندي قرتها من الملف بتاعك بس انا مش مصدقه.... انتي بنت جميله وهاديه وانا بحبك فجأه لقتها اتغيرت تاني ووشها ازرق ومسكتني من هدومي ورفعتتي لحد سقف الاوضه وسمعت نفس الصوت بيقولي: _ كده هتصدقي...... ودي كانت اخر حاجه سمعتها قبل ما افوق من الاغماء اللي حصلي بعد ما وقعت علي الارض..... فتحت عيني في المستشفي لقيت شاب وسيم قدامي بيقولي : _حمد الله علي السلامه يا استاذه ايمان....... = الله يسلمك..... هو انا فين ومين حضرتك _ انا اسلام حضرتك بعتيلي ميل من يومين ورحت اسأل علي حضرتك عرفت اللي حصل وانك هنا في المستشفي = انا هنا بقالي يومين؟؟ ازاي؟؟؟ _ الظاهر ان حضرتك اتعرضتي لخبطه عنيفه جدااا انا فهمت الموضوع من الموظفين في المؤسسة وانك عاوزه مساعدتي في تشخيص حاله زينه حاولت اقوم من السرير علشان انتبه لكلام استاذ اسلام والكلام اللي قاله خلاني في زهول....... _ قبل ما اخرج من المؤسسه طلبت من المدير اني ادخل اشوف زينه = وشفتها فعلا يا استاذ اسلام _ اه بس للاسف اقدر اقولك ان حالتها مختلفه تماما عن حاله الطفله اللي كتبت عنها المقاله = يعني زينه مش مريضه نفسيا _ تفتكري يا استاذه ايمان في طفلة مهما كانت قوتها تقدر تشيل حد وتحدفه بكل قوه زي ما عملت معاكي كده = تقصد ايه انا مش فاهمه _ زينه دي مش ممكن تكون طفله عاديه = يعني ممكن تكون ملبوسه فعلا... _ او انها متكنش من بني ادم خالص... = كلام حضرتك ده خلاني في حيره اكبر _ بصي انا اعرف دكتور في الازهر وعامل دكتوراه في موضوع المس من الجن ده ممكن يفيدنا في تشخيص حاله زينه خرجت من المستشفى واخدت اجازه يومين لحد ما اقدر ارجع الشغل واواجه زينه مره تانيه...... انا لازم احاول انقذ البنت دي لو فعلا في مخلوق خفي مسيطر عليها سواء كان جن او حتي شيطان انا مش هسيبه يقتلها او يخليها تقتل حد... تلفوني رن وانا بفكر يا تري هقدر اعمل ايه وهساعد زينه ازاي... _ الو... مين معايا = انا اسلام اللي كنت عند حضرتك في المستشفي انتي نسيتي اني اخدت تلفونك واتفقت اني هتصل بيكي _" اهلا اهلا.... معلش انا اسفه جدااا انا نسيت اسجل رقم حضرتك فعلا = تمام ولا يهمك... انا بكلمك لاني اتفقت مع الدكتور عطيه الشحات انه يجي يشوف زينه ويحاول يعالجها _ تمام جداا هو ممكن يجي امتي؟ = بكره لو ده مناسب ليكي... _ الحقيقه انا واخده اجازه من الشغل لاني لسه تعبانه شويه وهرجع باذن الله السبت = خلاص ان شاء الله هكلم الشيخ ونتقابل في المؤسسه يوم السبت بعد صلاه الظهر _ ان شاء الله قفلت المكالمه وفضلت الافكار تدور في راسي وكأن حياتي كلها بقت موضوع زينه وبس.... جه يوم السبت واول ما وصلت المؤسسه لقيت كارثه..... عم حسين الفراش قالي ان زينه كانت هتموت اربع اولاد دخلوا عندها الاوضه والمدير مصمم يمشيها من المؤسسه خالص لقيت نفسي بروح اوضه المدير وانا في قمه غضبي _ أستاذ مدبولي ممكن حضرتك تقولي انت عاوز تودي زينه فين = البنت دي خطر يا استاذه... ده انت مفروض اول واحده تطلبي انها تمشي من هنا _ انا متاكده انها مريضه ومحتاجه مساعده = دي كانت هتموت اربع اولاد... مريضه ايه بس _ وهما داخلوا ازاي عندها ده اهمال من الاشراف يا فندم = ده قرار نهائي... البنت دي خطر ولازم تمشي من هنا _ ارجوك يا استاذ مدبولي اديني فرصه احاول اساعدها.. شهر واحد بس.... ارجوك = شهر كتير يا استاذة.... هما عشر ايام بس لو مافيش تحسن واضح في حالتها انا هنقلها لقسم الحالات الخطره في مستشفي الامراض العقليه طلعت من عنده وانا في قمه الحزن... لو ما نجحتش محاوله استاذ اسلام والشيخ عطيه زينه هتضيع.... ولما استاذ اسلام جه هو والشيخ عطيه دخلنا علي زينه احنا التلاته وزينه كانت قاعده لوحدها بتبص من ورا ازاز الشباك والمره دي زينه كانت في حاله طبيعيه خالص لما ناديت عليها لفت وابتسمتلي ومسحت دموعها من عنيها..... كانت بتبكي وهي بتبص علي الاولاد بيلعبوا تحت.... خطفت قلبي والله وحسيت اني مسؤله عنها كان نفسي اخدها في حضني واهرب بيها...... اسلام طلب من الشيخ انه يبدأ بالكلام معاها وبعد نص ساعه كلام لقيته بيبصلنا ويقول انا شايف انها طبيعيه جدااا ومافيهاش اي حاجه... وفجأه وقف ولف حوالين زينه وقعد يبص علي الحيطه كأنه بيدور علي حاجه وبعدها حط ايديه علي راس زينه وقعد يقرأ قران ويقول ادعيه كتير وانا واسلام عنينا متشلتش من علي زينه وكأننا مستنين حاجه تحصل.... وفعلا فجأه حصل حاجه غيرت حياتي كلها....... لقيت زينه لونها اتغير وعنيها كأن طالع منها نار.... وابتدت تتكلم بصوت غير مفهوم.... وفجأه لقيت نفسي كأني في حته تانيه اسلام والشيخ اختفوا وزينه كمان.... لقيت نفسي في مكان ضلمه ومش شايفه اي حاجه سمعت صوت بيكلمني.... نفس الصوت اللي كان بيطلع من زينه لما بتتغير..... _ كلهم هيموتوا..... كلهم هيموتوا = انا فين.... ومين اللي بيتكلم... _ لو مسمعتيش الكلام..... كلهم هيموتوا = طب هما فين؟ "!!!! اسلام والشيخ وزينه... فين؟؟؟ _ لو مسمعتيش الكلام... هيموتوا من كتر الخوف ماقدرتش انطق اي كلمه تانيه فضلت مستنيه اللي انا فيه ده يخلص وكأني في كابوس ومستنيه اصحي باي شكل من النوم.... والصوت فضل يكلمني وقالي انه هيسيب زينه في حالها وهيرجعلي فتحي راكع واني لما ارجعله هخلف ولد هيغير العالم كله والمطلوب مني حاجه واحده بس..... وبعد ماخلص كلامه لقيت نفسي في الاوضه والشيخ حاطط ايده علي راسي انا وعمال يقرأ قران بصيت حواليا لقيت زينه قاعده علي جنب وبتعيط وجسمها كله بيتنفض.... _ هو ايه اللي حصل...... = بعد ما الشيخ بدأ يقرأ قران علي زينه لقيناكي فجأه بتسرخي واغمي عليكي بس كنتي كأنك بتكلمي حد... _ انا كنت فعلا بكلم حد... = حد... حد مين؟ _ هعرفك كل حاجه يا استاذ اسلام بس انا محتاجه اقعد مع الشيخ عطيه لوحدنا..... انا اسفه فضل اسلام مع زينه وانا والشيخ رحنا قعدنا في المكتب بتاعي وحكتله علي الي حصل.. _ وايه الشرط اللي طلبه منك يا بنتي.. = اني اتخلي عن اسمي.. ولما قلتله تقصد اني اغير اسمي كرر اكتر من مره اني اتخلي عن اسمي... _ انتي عارفه يعني ايه الكلام ده يا بنتي = لا مش عارفه.... هو يقصد ايه ومين ده اصلا _ عاوزك تتخلي عن ايمانك بربنا.....اوعي تصدقي وعود الشر ربنا هو الوهاب = طب ما انا ممكن اضحك عليه الايمان في القلب.. _ ما تلعبيش بالنار يا بنتي.. ابعدي عن الشر قلب الانسان مش في ايده... = انا عمري ما هفقد ايماني بربنا بس هو قالي انه هيرجعلي جوزي وهخلف... و... _ اوعي تصدقي ... لا يعلم الغيب الا الله ده حلم ابليس يا بنتي انه يغوي بني ادم ويخليه يكفر بقدره ويهرب من مصيره ولما يصدقه يلاقي نفسه هرب من الجنه ونزل النار.. = انت مش عارف انا اتعذبت قد ايه ونفسي ازاي اكون ام _ ومن يتق الله يجعل له مخرجا يا بنتي... = بس ده قالي اني لو رفضت كلكم هتموتوا _ خدي يا بنتي... = ايه ده؟؟ _ ده دعاء مكتوب صلي النهارده ركعتين واقريه بقلبك ونامي وان شاء الله هتشوفي رؤيه باذن الله هتنورلك طريقك روحت البيت وانا حاسه اني في دوامه ملهاش نهايه.... كان كل هدفي اني انقذ زينه لقيت نفسي في موضوع مش عارفه اوله من اخره صليت ودعيت كتير واخر كلمه قلتها قبل ما انام اللهم ارني الحق حقا وارزقني اتباعه وارني الباطل باطلا وارزقني اجتنابه نمت وشفت رؤيه غريبه شفت نفسي في شقتي القديمه وفتحي داخل عليا وماسكه ولد صغير في لفه مديت اديا وخدته منه وببص فيه لقيته مسخ وله عين واحده رميته من اديا وصحيت وانا بصرخ وبقول لا اله الا الله.... قمت بسرعه ولبست هدومي واتصلت باسلام وحكتله علي كل اللي حصل.... _ ايمان انتي بتفكري في ايه بالضبط؟؟ = انا عاوزه انقذ زينه... وبس _ احنا لازم نتحد كلنا وندرس الموقف ونشوف ازاي ممكن ننقذ زينه من غير ما تقدمي اي تنازلات = مخبيش عليك صحيح انا اتهزيت لما حسيت اني ممكن اكون ام في يوم من الايام بس فقت من كلام الشيخ وايقنت ان كل شىء بقدر ربنا.... _ من ترك شىء لله عوضه الله خير منه اتفقت انا واسلام اننا هنروح نقابل الشيخ وهنتفق نعمل ايه وازاي ممكن ننقذ زينه والشيخ كلم اكتر من زميل ليه يجوا يحضروا الجلسه الاخيره اللي هيكون فيها حلقه زكر ورقيه شرعيه والشيخ قالي اني لازم احضر الجلسة مع زينه لاني مستهدفه انا كمان... وفعلا استمرت الجلسه اكتر من ٦ ساعات والحمد لله قدرنا ننتصر علي المخلوق المسيطر علي زينه بس للاسف بعد ما طلع منها زينه دخلت في غيبوبه ونقلناها المستشفي جسمها الصغير الضعيف اتاثر بكل اللي حصل ده اخدت اجازه من الشغل وفضلت معاها مسبتهاش ولا ثانيه..... اسلام كان بيجي كل يوم يشوفنا ويطمن علينا واتقربنا من بعض جدااا وعرفت انه كان متجوز وانفصل لانه مش بيخلف... حسيت ساعتها ان ربنا بيقربنا من بعض لحكمه معينه زينه خرجت من المستشفي وهي مسكاني في اديها واسلام في اديها التانيه انتهت القصه ... وأخذت لمياء تقرأ قصه أخرى أشباح برمودة النهارده عزمت اصحابي على العشا وقررنا نعمل رحلة لمكان مجنون مكان مفيش حد بيجيله جرأه انه يروح حتي ناحيته... انا علي.. مصري مهاجر لأمريكا من عشرين سنه ودرست هناك واتربيت هناك، اقرب صحاب ليا هما سليم و كريستينا، احنا صحاب بحكم إننا التلاته عرب، اتعرفنا على بعض في الجامعه انا وكرستينا وبعدها اتعرفنا على سليم وبقينا قريبين جداً من بعض . في يوم اهلي خرجوا يتعشوا بره وكنت زهقان، كلمتهم يجولي البيت نسهر سوا ... وصلوا عندي وقعدنا شويه مع بعض واحنا بنتابع الأخبار قرأنا خبر قديم عن اختفاء خمس طائرات حربيه للجيش الأمريكي كانوا بيحلقوا فوق منطقه اسمها مثلث برموده ... بحثت عنه وعرفت إن في اكتر من ٢٠٠ حاله إختفاء للسفن والطيارات ومحدش قدر يوصلهم .... =حاجه غريبه اوييي يا جماعه مثلث برموده _ فعلا عندك حق لغز يحير فعلا _ طب ايه رأيكم نروح نستكشف هناك = كرستينا انتي بتهزري نستكشف ولا نموت _ ايوة طبعا بهزر _ لا يا كرستينا أنا فعلاً نفسي اعمل حاجه مجنونه زي كده تعالوا نروح ومش هنقرب من ناحيه المثلث في هناك حواليه ٣٠٠ جزيرة تقريباً ،هنقعد في أى جزيرة منهم ونراقب بس ايه اللي بيحصل هناك _ علي انت اتجننت ... =لا والله ايه اللي هيحصل يعني.. في سفن كتيره بتعدي من هناك ومش بتروح ناحيه المثلث ومش بيحصلها حاجه وفرصه ن**ر الروتين اللي احنا فيه شويه .... هاااا موافقين -انا موافقه -وانا مش موافق بس مينفعش اسيبكم لوحدكم... بس اسمعوا اوعوا حد يعرف اي حاجه عن الموضوع ده، اهلكم لو سألوكم هتقولولهم طالعين رحله صيد بس مش اكتر علشان لو عرفوا بالموضوع اكيد هيمنعونا وأنا الرحله دي مهمة بالنسبالي، نفسي اقدر اوصل لحاجه فالموضوع ده -طيب مش لما نشوف هناخد ايه معانا... =الحاجات دي معروفه بناخد معانا اكل وهدوم وخيمه وبوصله وخريطه وشظايا نار علشان لو توهنا ، هبحث انا في الموضوع ده وهجهز كل حاجه متشيلوش هم .... بس المهم محدش يعرف باللي هنعمله =تمام أنا بجد متحمسه جداً -أنا قلقان يا علي ومش متطمن = قلقان ليه يا سليم احنا مش هنقرب من المثلث احنا بس هنقعد علي جزيرة من اللي حواليه ونراقب بالمناظير ونشوف اللي بيحصل. يلا روحوا دلوقتي جهزوا حاجتكم كلها علشان يومين وهنطلع علي ولايه فلوريدا ومن هناك هنأجرسفينه في المحيط كأننا طالعين رحلة صيد ومن هناك هنروح المكان والخريطه والبوصله هيساعدونا ... عدا يومين وجهزنا كل حاجه عشان نطلع علي فلوريدا اتقابلنا كلنا ووصلنا المكان..... أجرنا من هناك سفينه فالمحيط قلنا اننا رايحين نصطاد لمده ثلاث ايام طلبو مننا ناخد سائق للسفينه بس رفضنا بحكم ان سليم دخل الكليه البحريه وخلصها عشان كان حلمه يبقي قبطان.... طلعلهم الكارنيه ووافقو يسيبولنا السفينه احنا التلاته بس... ومن هنا بدأنا الرحله ... عدي خمس ساعات فالمحيط واحنا ماشيين علي الخريطه تمام.... وقبل ما نوصل للمكان ب اتنين كيلو لقينا جزيرة مهجورة هناك قلنا هنعد فيها عشان نشوف هنعمل ايه وفرصه نراقب المكان ونتعرف عليه.... نزلنا من السفينه ونصبنا الخيمه ومسكنا المناظير ... _ غريبه المكان دا هادي اوي والمحيط مفيهوش حتي موجه بسيطه ازاي بيحصل فيه كل حالات الاختفاء دي ... =اكيد في سر فالموضوع دا.... _ انا مش عارفه ليه بدأت اخاف من الجزيرة المهجورة دي ما تيجوا نشوف جزيرة تانيه... = اصبري لحد بكرة وهنمشي نكون ارتاحنا شويه وراقبنا المكان.... _ طيب ماشي.... فضلنا طول الليل في هدوء تام مفيش اي صوت خالص ... لحد ما لقينا كرستينا جيه تصحينا وتقولنا ... _اصحو بسرعه في حد واقف بره..... قمنا اتنطرنا من مكان نومنا... _ في ايه يا كرستين مين الي واقف بره = معرفش انا شفت واحد شكلو غريب كان بيبص علينا واحنا نايمين انا نومي خفيف واي حاجه ممكن تصحيني... قمنا نشوف في ايه .... بس ملقناش حد خالص ... _ كرستين انتي اكيد كنتي بتحلمي او بيتهيألك =علي انا متأكده ان في حد وحد مش طبيعي كمان _ مش طبيعي ازاي .... = يعني مش انسان زينا شكلو غريب واول ما شافني صحيت اختفي... _علي... كرستينا تعالو بسرعه هنا .... في ايه يا سليم.... في شنطه اختفت .... الحقو دي كمان الشنطه الي فيها البوصلة والخريطه .... احنا كدا ضعنا خلاص.... ازاي اختفو دور كويس... =مش قلتلكم ان في حد هنا ومصدقتونيش... احنا لازم نمشي من هنا دلوقتي حالآ... _النهار بس يطلع وهنمشي من المكان دا حالا ونرجع عالبيت احنا مينفعش نستني هنا لحظه... =طيب هنرجع ازاي من غير الخريطه والبوصله _ هنحاول نمشي عن طريق الرياح و إن شاء الله هنوصل... المهم نمشي من المكان دا.. فضلنا مقضيين طول الليل فالخيمه مرعوبين بنفكر في الحاجه الي اختفت هتكون راحت فين ..... نمنا شويه واول مالنهار طلع قمنا نجهز حاجتنا عشان نمشي بسرعه كرستين طلعت تلم الحاجه الي برة بس اول ما طلعت لقيناها بتصوط... _علي .... سلييم .... ألحقوووو... في ايه في ايه.... السفينه بتاعتنا اختفت..... ايييييه!!!!!!!!!! خلاص كده احنا ضعنا وبقينا في مكان مجهول من غير سفينه ولا خريطه ولا بوصله وهنموت هنا اكيد ... يارب يحصل اي معجزه تخلينا نخرج من هنا بسرعه الاكل الي معانا والميه هيخلصو ولو مكوناش هنموت من الجوع فا اكيد هنموت من الخوف... =خوف خوف ليه _ علي متضحكش علي نفسك وعلينا تقدر تفسر ازاي سفينه بالحجم دا تختفي وتقدر تفسر الخريطه والبوصله راحو فين... تقدر تقول مين الي كرستين شافته بليل ..... الموضوع واضح زي الشمس الجزيرة دي مسكونه بالارواح ومتختلفش عن مثلث برموده دا لو مكوناش اخطأنا كمان ودخلنا جوه المثلث والمسافات اتلغبطت معانا... =سليم انا السبب في انكم تيجو هنا .... وانا الي هعرف اخرجكم .... كرستين... جهزيلي ادوات الغطس بسرعه.... _ليه انت مجنون غطس ايه الي هتغطسو فالمكان دا احنا مش هنضحي بيك... مش هغطص بعيد بس هحاول اوصل لحاجه... ....خد علي ادوات الغطس وبدأ رحلته وانا وكرستين فضلنا قاعدين نراقب الجو يمكن حد يجي ينقظنا .... عدا ساعه اتنين وعلي مجاش .... _سليم اكيد علي حصله حاجه ... =انا كمان قلبي مش متطمن ... بعدها لقينا حد جاي علينا دا اكيد علي ..... قمنا جرينا بسرعه نشوفه بس الشخص دا اختفي من غير ما نعرف هو علي ولا لا ... عدا تلت ساعات ونص وبعد رابع ساعه .... لقينا علي جاي علينا وعلي وشه معالم الخوف والذعر... مش هتصدقو الي شوفته .... _ ايه شفت ايه... =علي بعد كيلو ونص في سلم كبيير اوي تحت الميه بيودي علي نفق وبعد النفق في مبني ضخم اوي مش قادر اوصفلكم حجمه ... بس انا مقدرتش ادخل فيه قلت اجي اخدكم معايا... _لا طبعا مش هنروح انت مجنون... =بس دا اخر امل لينا اكيد السفينه بتاعتنا موجوده هناك ... _حتي لو هناك هو احنا عارفين مين الي فالمبني دا ... =اكيد في اسماك يعني هيكون في ايه _ اسماك.!!!!!!... علي احنا في كارثه وانت مش حاسس بيها... فجأه كرستينا ندهت .. _ تعالو بسرعه في سفينه داخله علينا اعدنا نشاور وولعنا شظايا نار ... قبطان السفينه انتبهلنا وادانا إشاره وبدأ يوجه السفينه ناحيه جزيرتنا ... بقينا طايرين من الفرحه... _الحمد لله مش هنموت هنا اخيرا حد هيلحقنا ... فضل ماشي ناحيتنا وقبل ما يوصلنا بحوالي كيلو ونص ... فجأه السفينه اختفت ... كأن المحيط انشق وبلعها.... _ ايه دا هي السفينه راحت فين دي حتي مش باين لها اي أثر _ شفت ياعلي المكان الي كنت عاوزنا نروح فيه ... =احنا فعلا لازم نروح الناس دي كانت جيه تنقذنا ازاي هنسيبهم كده... =دول زمانهم ماتو خلاص تحت الميه.. _ وممكن يكون المبني دا مفيهوش ميه والناس بتتنفس تحت عادي ومحتاجين بس حد يفتحلهم الباب ... احنا لازم نروح نعمل الي علينا وفرصه هنستكشف الي بيحصل تحت ... =هيكون ايه الي بيحصل تحت يعني اكيد بيحصل مصيبه او في دوامه واسماك القرش زمانها اكلتهم.... _ انا عن نفسي هروح مين جاي معايا... تعالي معايا انت ياسليم وكرستين تعد تراقب الوضع عشان لو حد عدا تشاورله ويستني ... سليم قام يجهز نفسه عشان يروح معايا ... _انا خايفه ياعلي اعد هنا لوحدي = متقلقيش مش هنتأخر... _لو اتأخرتو اكتر من خمس ساعات هجيلكم... ماشي... خدت سليم ومشينا عشان نبدأ الرحله فضلنا فالمحيط فترة كبيرة لحد ما وصلنا للسلم نزلنا السلم ودخلنا الممر وفضلنا ماشيين فالممر لحد ما وصلنا للمبني الضخم لقينا باب كبير اعدنا نحاول نفتحه مبيفتحش .... لمحنا واحد واقف بضهره ورا شباك في الممر فضلنا نشاورله يفتحلنا بس منتبهلناش خالص........ حاولنا نفتحه لحد ما اخيرآ اتفتح... اول ما اتفتح راح الي كان واقف اختفي في غمضه عين ... دخلنا المبني الضخم وقفلنا الشباك تاني عشان الميه متدخلش ... قلعنا ادوات الغطس وحطيناها فالشنط... _ازاي يا علي مبني تحت الميه وفي ا**جين ومقفول كده اكيد في حد هنا... =دلوقتي هنعرف... فضلنا ماشيين شويه لحد ما سمعنا صوت خلانا نتسمر في مكانا ومنعرفش حتي نتحرك.. سمعنا صوت كرستين بتستنجد بينا ..... _ علي دا صوت كرستين ايه الي جابها هنا .... = مش عارف احنا سيبناها عالجزيرة ازاي وصلت قبلنا ... بنبص لقينا منظر بشع ... واحد ماسكها كان شكلو من انسان خالص .... كان عنده عين واحده و معندوش مناخير زينا ووشه كان باين العضم منه ... وكان فيه اتنين محبوسين ورا قضبان كأنهم فالسجن بيستنجدوا بحد ... دول اكيد الي كانو فالطيارة الي لسه واقعه.... بس احنا هنعمل ايه دلوقتي..... _ سليم روح اشغلو انت وانا هحاول اطلع الناس وكرستين... .......... _ سليم انت مش بترد عليا ليه.... وفجأه سليم اختفي تماما.... وبقيت انا لوحدي وكرستين قدامي مش عارف اتصرف ازاي ... وانا بفكر هعمل ايه فجأه لقيت الكائن دا بصلي مش عارف ايه الي خلاني انور في عينه الكشاف لقيته اختفي تماما.... جريت علي كرستين اشوف مالها لقيتها منهارة .... _ انتي جيتي هنا ازاي ... = انا خفت يا علي يحصلكم حاجه وكنت خايفه اعد لوحدي اول ما نزلتو رحت مجهزة نفسي ونازله وراكم بس مش عارفه لقيت البحر ليه كان مضلم اوي ولقيت حد بيشدني وجابني هنا وكانو بيحاولو يقتلوني لولا انت وسليم جيتو... ايه دا هو فين سليم _ هو كان معايا ولقيته اختفي.... يلا ندور عليه بس الأول نحاول نطلع الناس دي .... اعدو يستنجدو بينا وعرفنا انهم الي كانو فالسفينه وكانو جايين ياخدونا فجأه لقو سفينتهم بتغرق واتنين من الكائنات دي خدوهم وحبسوهم وخدو صاحبهم قتلوه ... ياترا سليم حصله ايه هو كمان ربنا يستر.... حاولت ا**ر الباب بكل قوتي مش راضي يتفتح ... وانا بحاول افتحه فجأه لقيت كرستين بتصرخ.... _ ألحق يا علي دول جايين هنا.... _ نوري في وشهم الكشافات بسرعه.... عملت كده وفجأه اختفو بسرعه.. فتحت الباب بعد محاولات كتير وحررنا الناس وجم معانا ندور علي سليم .... واحنا ماشيين فالمبني لقينا كميه طيارات و سفن مهولة .... ولقينا هياكل عظميه كمان في منهم من فوق ال ١٠٠ سنه ... بس ايه الي بيحصل هنا دا... الكائنات دي ايه وعايزين ايه مننا... اعدنا ماشيين فالمبني الكبير الي مش بيخلص .... لقينا أوضه دخلناها ... اوضه كبيرة اوي أخرها واحد ماسك جثه عرفنا انها جثه الولد الي كان عالسفينه مع الاتنين التانين... قربنا منه ونورنا الكشاف في وشه قام مختفي ... لقينا الجثه متبهدله ومتشرحه وطالع الاعضاء من مكانها وحاطت كل عضو في حاجه وجمبها جثه تانيه من واحد منهم بس مبيتحركش تقريبا كان بيحاول يحط اعضاء الراجل دا في واحد منهم عشان يصحي.... _ احنا دلوقتي عرفنا هما بيعملو ايه هما بياخدو الناس يطلعو اعضائهم ويحاولوا يصحوا جثثهم ... ... والباقي منهم ياكلوه...... بس احنا مش هنستسلم وهنطلع سلام من هنا..... بس مش هنطلع من غير سليم .... طول ماحنا مالقيناهوش حتي لو جثه يبقي عايش.... قعدنا حوالي ساعه ولا احنا عارفين نخرج ولا حتي نلاقي سليم.... لحد ما لقينا ممر مشينا فيه وكان فيه اوضه واحد من الي كانو معانا دخل فيها اول ما دخل لقيناه اختفي .... كلنا اترعبنا ايه قصه الاوضه دي والي بيدخلها بيختفي ليه خفنا ندخلها ... اتبقي انا وكرستين وواحد تاني من الي كانو عالسفينه اعدنا نحاول نخرج لحد ما لقينا شباك وخرجنا ولبسنا اجهزه التنفس وخدنا معانا الي كان فالسفينه التانيه وبقينا نساعده يتنفس انا آخد الجهاز شويه واكتم نفسي واديهوله وكرستينا نفس الكلام .... لحد ما وصلنا للجزيرة... .. لقينا هناك الراجل صاحب سفينتنا عشان جاله اشارة ان السفينه غرقت فا جه للمكان ينقذنا ... حكينالو الي حصل وطبعا مقولناش احنا كنا جايين ليه احسن نتحبس عشان المكان دا محظور حد يروحه قولناله ان الرياح طيرت الخريطه والبوصله ضاعت مننا فا كنا بنحاول نرجع وتوهنا فالمكان دا ... خدونا احنا والولد الي كان معانا بس المرة دي رجعنا انا وكرستين بس وسليم ضاع مننا ومرجعش معانا ... انا اكتر واحد حاسس بالذنب عشان الي حصل في سليم انا السبب فيه .... وصلنا المكان الي اتحركنا منه بعد خمس ساعات نزلنا من السفينه واول ما نزلنا لقينا مفجأه.... سليم والولد التاني الي كانو معانا موجودين هما الاتنين بيدورو علينا فررحت اوي بس استغربت انتو ازاي جيتوا هنا... عرفت منهم انهم دخلو نفس الاوضه الي بتخليهم يختفو ويرجعو بالزمن يومين ل ورا يعني احنا لو كنا دخلناها كنا ريحنا نفسنا من كل دا بس احنا خفنا ندخل فيها .... سليم لما اختفي من جمبي في واحد منهم كان بيحاول ياخده يقتله ويعمل في زي ما بيعملو في بقية الناس بس سليم عرف ان نور الكشاف بيخليهم يختفو فا لما نور في عينه الكشاف اختفي وسليم اعد يجري ويدور علينا بس ملقيناش فا دخل الاوضه دي رجعته بالزمن يومين فا رجعته عند مرسي السفن الي فالمحيط يوم لما كنا بنبدأ الرحلة .... وكان قاعد مستنينا انا وكرستين وعنده أمل نرجع... وفعلا رجعنا واتجمعنا تاني زي الاول ومحدش حصله حاجه الحمد لله.... بس انا فعلا متحمس اعيد التجربة دي تاني بس لو كرستين وسليم عرفوا الي بفكر فيه ممكن يقتلوني.... عدا شهر علي الي حصل..

Free reading for new users

Scan code to download app

App Store Google Play

Facebookexpand_more