BELLA’S POV
“Ibaba mo ako,” saad ko habang kumakawag-kawag ang mga paa ko.
Tinakpan ko ang mukha ko dahil may ilang mga staff na nakatingin sa amin. Sigurado akong kilala nila si London dahil nasa Artemis Hotel kami ngayon. Nakakahiya.
Pero tila bingi si London na nagpatuloy sa paglalakad hanggang sa parking lot. Huminto siya sa tapat ng isang sasakyan at saka lang niya ako binaba.
Namumula ang pisngi ko dahil sa kahihiyan at sa inis nang tumingin ako sa kaniya.
“Ano bang problema mo?” inis na tanong ko sa kaniya.
Bakit kailangan pa niya akong buhatin na parang bigas? Dati ba siyang kargador?
“Ang dami mo pa kasing arte, ikaw na nga ang ihahatid, gusto mo pang mag-taxi. Hindi mo ba alam na swerte ka? Ipagda-drive kita pauwi kahit hindi ka naman maganda,” binuksan niya ang pinto ng k
