BELLA’S POV
Napakunot ang noo ko nang makita ko si Kuya Sam na dumating sa bahay namin. Ngumiti siya sa akin pero nakatayo lang ako sa pintuan habang naniningkit ang mga mata ko sa kaniya.
Hinayaan niya akong ihatid kagabi ni London. Alam naman niyang pinakaiiwasan ko ang pamangkin niya pero talagang hindi man lang siya kumontra at pumayag siyang ito ang maghatid sa akin.
“Samuel,” masayang bati sa kaniya ni Nanay. “Bella, anong ginagawa mo at nakaharang ka riyan sa pinto? Papasukin mo si Samuel,” utos sa akin ni Nanay kaya wala akong nagawa kundi ang gumilid para pumasok siya.
“Yaya,” agad na bati niya sa ina ko.
“Naku, ang gwapo mo pa rin. Ikaw lang ba? Sabi ko sa iyo, isama mo minsan si London kapag pumarito ko siya para malutuan ko siya ng paborito niya. Miss ko na rin ang batang
