ANIKA
Malalim na ang gabi nang matapos kami sa photoshoot. Pagod ang katawan ko pero hindi magawang pumikit ng mga mata ko.
Kanina ko pa hawak ang cellphone ko. Parang may inaabangang mangyari.
"Holy..." muntik na akong mapamura nang magulat ako sa vibration ng cellphone ko.
Napalinga ako, tulog na si Ate Marie at Mommy Tash. Si Jackie naman ay busy kakanuod sa cellphone niya.
Sinagot ko ang tawag.
"Ang tagal mong sumagot," intro ni Samuel. "May trabaho ka pa rin ba?"
Sumimangot ako. Ano naman kung meron? "Wala na. Bakit?"
"May pupuntahan tayo. Somewhere fun."
Napahinga ako ng malalim. Sinandal ko ang ulo ko sa headrest ng chair bed ko sa loob ng home van na ginagamit namin kapag malayo ang shoot.
"Somewhere fun? Sa Italy ba somewhere fun din 'yon?"
I mentally slap my
