منذ الطفولة و حتى الآن 2 🌍🤎
1941 Words
الجزء الثاني
سلمى بعياط : الو انتى فين ياروان قلبت عليكى الدنيا
روان : انا مشيت
سلمى : مشيتى ازاى دلوقتى انتى هبله احنا في شتا والجو بيمطر انتى فين
روان : انا في الشارع ملقتش تا**ي فقلت همشي لحد ماوصل
سلمى : هتمشي دا كله ازاى ياروان انتى فين ع اجيلك بالله ماتقلقينى الجو بيمطر وليل حرام عليكى نفسك
روان بنحيب : هه يعني عجبك اللى حصل فيا يا سلمى عجبك اهانتى اخوكى رجع علشان ينتقم بس بيخلينى كل يوم اميل للكره ليه كنت هقعد ازاى بعد اللى هو عمله .... اعااااااااااااااا
سلمى : روان روان في ايه
عمرو : ها لقيتيها يلا علشان مش فاضي
سلمى : انت حقير ومعندكش دم انت ازاى كده انت فعلا مش اخويا وعمرى ما تمنى أن اخويا يبقي كده ودينى لاختى دلوقتى انا مش عارفه جرالها ايه الخط قطع ودينى ليها
عمر بقلق : هى مش هنا !!
سلمى : لا مش هنا هتكون هنا ليه !! علشان تهينها اكتر البنت مشيت ولوحدها في الشارع والله لقول لجدو وشوف هيعمل فيك ايه لو جرالها حاجه ودينى والا هروح لوحدي قسما بالله
عمرو في نفسه : اه ياروان ياغ*يه ياترى انت فين دلوقتى ..
= يلا تعالى اركبي هنمشي لحد مانلاقيها هى اكيد مبعدتش
.. .. ..... ...
عند روان
كلب !! لا دا كلاب
انا بخاف منهم من صغري بقيت واقفه مرعوبه لحد ماحسيت أن في عربيه جايه وقفتها
... اووووه انت الحمد لله
ايمن : يابنتى دوخت من كتر اللف عليكى
روان : كنت عاوزه اروح وملقتش تا**ي
ايمن : طيب اركبى هوصلك انا
روان : حاضر
بعد ماوصلت وغيرت وأيمن سلم على جدو ومشي لقيت الباب بيخبط
روان : مين اللى جاى دلوقتى وروحت فتحت
سلمى وهى بتحضنى : انت كويسه ! دورنا عليكى كتير بس اتصلنا بجدو قالنا انك وصلتى
روان : ايوا ايمن الله يخليه لحقنى وجابنى الحمد لله
مجدى : عمرو انا مش قايل تجيبها معاك
عمرو : انا .... انا يجدو .....
روان : ياجدو انا قلتلك من الاول عاوزه اروح وارجع لوحدى قلتلى لا وكذا هيجي ياخدك ويجيبك بلاش تثق في كل الناس ياجدو علشان نيتهم مبتبقاش كويسه
عمرو : حاسبي على كلامك احسنلك
روان : نعم !!! هتعمل ايه المره دى هتهينى زى اول يوم وتقعد تفكرنى باللى حصلك ولا هتكب عليا العصير وتبهدلنى زى المره دى انت مالك بيا اصلا ؟! ملكش الحق تكلمنى ولا يبقي ليك دعوه بيا وبالنسبه للى حصل أنا مش مضطره ابرر لحد كرهه عاميه حاجه انا معملتهاش وبالنسبه لمشاكلك القديمه انت وأهلك محدش قالك تقولهالى ايه الق*ف ده
سلمى بدموع : روان انت واخده بالك انت بتقولى ايه .....
مجدى : انتى قليله الادب وانا معرفتش فعلا اربيكى يمكن بعد ما بنتى وجوزها ماتو انا فشلت في تربيتك
روان بقله حيله : ياجدو ........ صوت قلم
جدو ض*بنى بالقلم .. انا غلطت بس هو غلط اكتر من كده فيا
روان : يارب تكون مبسوط وكده انت حقك وكرامتك رجعولك .. فين حقي بقي ياجدو ؟! فين حقي لما عايرنى وقالى انى مش متربيه وان اهلى ماتو وسابونى اعمل اللى عاوزاه ولا انا بس اللى بغلط ؟! هم فعلا ماتو بس سابونى لوحدى وانت كمان من ساعت ماهو جه وانت دايما بتلومنى على حاجه معملتهاش مع انك عارف كويس
سيبتهم ودخلت اوضتى ..
عمرو : جدووو انا اسف
مجدى : روح ياعمرو دلوقتى روح الله يرضي عنك يابنى
عمرو : حاضر يلا ياسلمى يلا يا ساره
سلمى : انا مش جايه امشي انت اصلا مش عاوزه اشوفك روح وصل ساره وروح نام
عمرو : بقول يلا
مجدى : سيبها مع روان هنا
عمرو : حاضر
........... .......... ......... ...... .....
في الطريق
ساره : عمرو مش روان اللى عملت كده اكيد
عمرو : مش فاهمك
ساره : عينيها وكلامها مع جدها والله بيقول أنها مظلومه وحتى لو هى اللى عملت كده حرام اللى انت بتعمله ده
عمرو : وصلنا يا ساره تصبحي على خير.
ساره : وانت من أهله
= عمرو
عمرو : نعم
ساره : متنساش انك بتحبها .... متخليهاش تكرهك سلام
Shrouk khalil
اتمنى تكون بخير ياعزيزى ، أردت انا أخبرك انك الاجمل مهما حدث ولا يوجد داعي لأن تفقد ثقتك بنفسك بسبب كلام عابر ..
مزاياك أكثر من عيوبك .. أفعالك الصحيحه تتعدى الخطأ لست مضطر لتبرير ما يص*ر منك لأحد فمن أراد البقاء فليبقي ومن فضل البعد فليذهب لا تتمسك بأحد فإن ذهب أحدهم سيبقي الباقي لاتقلق ....
تاكد بانك الافضل لدى أحدهم ياعزيزى ?♥️
روان : سلمى سلمى
سلمى : اممممممم
روان : انت جيتى امتى
سلمى : سيبينى نايمه انا طول الليل صاحيه
روان : حاضر
قمت دخلت الحمام وطلعت لبس علشان انزل الشغل ولما خلصت دخلت اخد حاجتى لقيتها صحيت
روان : صباح الخير
سلمى : صباح النور
روان : جيتى امتى
سلمى : انا مش مشيت اصلا نمت جنبك امبارح
روان وراحت مسكت أيدها : سلمى انا اسفه لو كنت جرحتك بكرامة امبارح بجد انا مكنش قصدى اجرحك ولا اقلل من جدو بس انتى اكتر واحده عارفانى وعارفه انى مليش دعوه وانى بتحاسب على غلط حد تانى علشان عارفه أن عمرو بيحبها وبيعتبرها أخته ومهما كان دى بنت عمه
سلمى : انا فهماكى بس الموضوع ده مش هيكبر اكتر من كده صدقينى وانا مش زعلانه وراضي جدو علشان زعلان اوى
روان وهى بتحضنها : حاضر انا بحبك اوى
طلعنا بره جهزنا الفطار وسلمى دخلت نادت على جدو ولما طلع مكلمنيش
روان : جدو انت زعلان منى
مجدى : لا يابنتى متاخذنيش لو ض*بتك بس انت غلطتى وقتها
روان : وانا اسفه ياجدو والله هتحكم في اعصابي بعد كده واصلا انا معرفش حد اسمه عمرو بعد كده هو كل اللى همه أنه يذلنى فأنا هتلاشاه
روان : انا همشي بقي علشان الشغل
سلمى : ما تاخدينى معاكى بما انى فاضيه
روان بحب : ياريت تعالى
سلمى : عاوز حاجه يا اجمل جدو
مجدى : عاوز سلامتكم يا حبايب جدو
روحنا الشغل و كانت سلمى معايا و لحسن الحظ خلصت شغلى بدرى و مشينا
... سيربرايز
روان بصدمه : على !
على : ايه رايك في المفاجأه دى
روان عيطت و حضنته : ياروح قلبي و حشتنى اوى اوى جيت امتى شفت جدو
على : انا لسه جاي من المطار و افتكرت انك قايلالى مكان شغلك و كنت عاوز اشوف اختى اول حد
سلمى كانت واقفه مصدومه لما عرفته و اتاكدت بعد ما قال اختى يمكن هو مش هيعرفها لأنها اتغيرت لكن هو لما سافر كان كبير بنفس الملامح
على : يلا نروح و لا ايه
روان : يلا يا حبيبي ايه دا فين سلمى
سلمى : هنا اهو نسيتينى ههه
روان : معلش على كان واحشنى اوى اوى من 7 سنين مسافر و سايبنى
سلمى : ازيك يا على حمدلله على السلامه
على بص ليها بتركيز و أتلفت لروان : سلمى ! سلمى !
روان ضحكت : ايوا سلمى
على : ايه دا اتغيرتى اوى بقيتى كبيره و واضح مش عيوطه و كده
سلمى : انت لسه فاكر انسي بقي طفوله حقيره
روان : هنفضل واقفين يلا علشان جدو
روحنا البيت فعلا
على : يا جووووده يا جوووووده
مجدى بلهفه طلع بسرعه من اوضته : على جه يا ولاد سامع صوته
على : يا حبيب قلب علي يا بابا قلبي انت
مجدى : يا حبيبي وحشتنى يا ولد
( على ابن عمتى و اخويا في الرضاعه هو اجمل حد في حياتى و اخويا و لما عمتى سافرت هو سافر معاها علشان دراسته )
علي : انا جعان يا جماعه
روان : هحضر اكل حالا
على : لا اكل ايه اللى لسه هستناه انا طلبت سمك لينا كلنا
سلمى : طيب استأذن انا بقي عاوز حاجه يا جدو
على : لا هتاكلى معانا
سلمى : بس أنا مش بحب السمك
على : عارف و طلبت حاجه تانيه ليكى
روان : ايتا ايتا فاكر اهو كل حاجه عن صديقه الطفوله ذاكرتك مقويه قلبك
سلمى بإحراج : اخرسي
مجدى ضحك فجاه : فاكر يا على لما كنت بتتخانق انت و عمرو علشان بيزعقلها
على : ايوا و لا لما كانت تطلع من البيت معيطه علشان عمو ض*بها و اجبلها شوكولاته تسكت و لما العروسه ان**رت و فضلتى تعيطي و تقوليلي يا علي عمرو **رلي عروستى و .... و .... كنت عيوطه اوى
سلمى : انا بجد كنت كده ! كنت صغيره لسه و في ابتدائي بقي
روان : و لما كانت حد يزعلها في المدرسه يا جدو كانت تيجي تسال على علشان يروح يض*بهم فاكر ! انت حتى سافرت و هى نسيت مره وهى في إعدادى راحت جايه علشان تسال عنك و بعدين افتكرت انك سافرت
سلمى قرصت روان : احم كفايه انا اصلا مش فاكره
على : كفايه انا فاكر .. الباب بيخبط اكيد الاكل وصل رايح اشوف
سلمى بهمس : روان اخرسي لحد ما امشي كفايه
روان ضحكت : حاضر يا كوكو ات**فت
على: يلا يا جماعه علشان الاكل يلا يا جدو
اليوم عدى و كان من الطف الايام على قلبي علي رجع بعد غيبه و هيفضل هنا و دى حاجه كفيله تفرحنى العمر كله
عدى ايام على رجوع على .....
.. روان هى سلمى ايه اخبارها
روان : وانت مالك بااخبارها
.. هو انت هيجرالك حاجه لو جبتى الخلاصه
روان بخبث : ايوا برضو مقولتش بتسال ليه يا عسل
علي : مش عاوز حاجه خلاص
روان : طيب عالعموم سلمى شاطره في كليتها وبتحب الدراسه جدا بس بتحب شخص اكتر بس هى علشان بنت محترمه وملهاش في سهوكه البنات مبتبينش
علي بخيبه امل : مين الشخص !!!
روان : على اخويا
على : نعم !!!!!!!
روان : دا اللى حصل ومتاكده مع انها موضحتش بس أنا عارفه سلمى من صغرنا
على : طيب على خيره الله انا عاوز أخطب بس كده
روان : ياعسل انت بتاخد الكلام منى لقرارك علطول أتأكد برضو الاول وبعدين مش هترتبط دلوقتى هى على الأقل فاضلها ترم في تالته لما تخلصه
على : ياستى ادينى مستني
روان : هه هتتسلي مع مين فيهم بقي على ماهى تخلص
على : والله يابنتى بقيت محترم خالص دكتور بقي وكده
روان : طيب يادكتور هتودينى المكتب ولا
على : يلا هود*كى انا نازل اصلا علشان ادور على مكان للعياده الجديده
روان : تمام اوى يلا
..... ....... ...... ...... ......... .........
.. كويس انك جيتى بدرى يابنتى المدير الجديد على وصول
روان : طيب يلا
_ شباب المدير وصل وطالب الكل في المكتب علشان يعرفكو عليه وعلى قوانينه
.. ربنا يستر
روان : حاسه ان المدير دا بارد اوى
دخلنا المكتب كان قاعد وكرسيه في الاتجاه التانى ومدينا ضهره وفجأة دير الكرسي وهنا كانت الصدمه طبعا عرفتو مين
" عمرو " هو بعينه
اول ماشافنى استغرب شويه وبعدين رجع لطبيعته كان باين عليه أنه عارف انى بشتغل هنا وبعدين اتكلم
عمرو : اسمحولى اعرفكو على نفسي أنا عمرو عادل المدير الجديد هنا بما انى شريك في الشركه هنا والمدير القديم سافر فاانا خدت مكانه طبعا اكيد عرفكو عنى شويه حاجات قبل مايمشي بس هعيدهم تانى
1.. ممنوع النقاش فيما لا يخص الشغل
2.. تجمعات الموظفين مش مسموح بيها غير وقت الغدا بس والاجتماع طبعا
3.. الشغل اللى اطلبه يكون جاهز في الوقت المحدد
4.. قوانين الشركه لا خروج عنها
5.. لو عرفت في اي يوم من الايام إن حد بينقل اى خبر ايا كان للمنافسين توء توء مش بطرده انا عقابي اوحش من كده
6.. بحترم اى حد شايف شغله واى حد بيعمل الع** ها يمشي
7.. الاخير والأهم وبصلي نوووو تأخير
تقدرو تتفضلو خلصت كلامى وياريت السكرتيره تفضل علشان تفهمنى اخر اخبار الشركه وبرضو المحامى طبعا
......... .......... ........... ...........
.. اووووف خرجنا من السجن ايه أوامر أوامر
روان : خلاص اسكتى يلا نكمل الشغل احسن لينا انا مش عاوزه اعلق مع دا بالذات خالص
.. انت تعرفيه ؟!
روان : بعدين بقي يلا نشوف شغلنا
" اليوم خلص على خير كنت خايفه مايعديش غير بمشكله وانا كنت واخده عهد على نفسي انى اتلاشي الكلام معاه والحمد لله الصدفه مجمعتناش النهارده وما صدقت الساعه جت 3 وعلى جه خدنى وحكيتله بس قالى طنشي واشتغلى شغلك وبس وفعلا قررت اعمل كده "
والايام بقيت تعدى وفي يوم وانا قاعده بكتب ملف صوته العالى خلانى اترعب وقمت بسرعه من مكانى
الجزء الثاني من
منذ الطفولة و حتى الآن
بقلم شروق خليل ?
- Writer
