CELESTINE
Kanina pa akong naka-pangalumbaba at nakangiti habang nakaharap kay Sir Kim. Pinapanood ko siya habang sarap na sarap ito na kumakain. At natutuwa ako habang ginagawa iyon. Ang cute niya kumain. Para bang may bilang ang bawat galaw nito. Pati na ang pagsubo at pag-nguya nito. Sobrang gana nitong kumain.
Aayaw-ayaw pa ito kanina, na hindi raw ito gutom tapos ngayon halos maubos na niya ang tirang ulam ko na Tortang Kapampangan at kanin na niluto ko kaninang tanghali. Mabuti na lang talaga at may natira pa kung hindi ulcer ang aabutin nito sa pagpapalipas gutom na ginawa nito. Pero infairness naman kay Sir Kim, hindi ito maarte o maselan sa pagkain. Never itong nagreklamo na iyon lang pinakain ko sa kanya. Hindi ito naghanap ng ibang ulam. Kumain lang ito ng inihanda ko para sa k
