TALA
"Mga tanginang 'to!"
Napaigtad ako at agad nagmulat ng mata nang marinig ang ingay na iyon. Dumako ang mata ko sa isang lalaki na nasa lapag, walang malay na nakabulagta. Lumipat ang tingin ko sa isa pang lalaki na naka-all black pero hindi tulad ng mga lalaki na pumasok sa unit ni Thaddeus.
Tumayo ako at kinapa ang aking bulsa. Nanlaki ang mata ko nang wala akong makapa kahit na ang aking wallet. Nataranta akong tumayo at akmang tatakbo palayo nang pigilan ako sa braso ng lalaking nakaitim.
"B-bitawan mo ako," banta ko sa kaniya at malakas na iwinakli ang kaniyan kamay. Akmang aalis ako nang muli niya akong pinigilan. "Ano ba—"
Natigilan ako nang ilahad nito ang wallet at cellphone ko. Ilang beses akong napakurap at napaawang ang labi. Muling dumako ang aking mata sa lalaking
