Mula ulo hanggang paa rin ang tinging ipinukol ni Ms. Rina sa akin nang dalhin ako sa kanya ni Jared. She’s the manager of Cup of Twist. At nakapagtataka dahil kahit wala pa naman akong ginagawa o sinasabi, parang hindi na agad maganda ang naging first impression niya sa akin.
Tuloy ay dumoble ang kaba ko lalo na’t ito na ang huling coffee shop na susubukan kong pasukan sa ngayon. Kapag hindi naging maganda ang resulta nito ay kailangan ko munang baguhin ang mga plano ko.
“Good morning, Ma’am--”
“Tell me something about yourself. ‘Yung wala sa resume mo,” nakataas ang kilay ni Ms. Rina nang putulin ako sa pagsasalita. Para bang kulang na lang ay sabihin niyang wala siyang oras para sa interview na ‘to. Mabuti na nga lang at hindi niya nakita ang bahagyang pagtirik ng mga mata ko dahil
