There were a bunch of things Quinn and I have talked about. Sobrang sarap niya kasing kausap kaya kung saan-saan na napunta ang topic namin. Hindi ko na rin tuloy namalayan ang oras.
Samantalang pagtingin ko kay PJ, nakita kong abala naman siya sa pakikipag-usap sa mga kapatid niya kaya hindi rin siya maistorbo ng kahit sino.
Natawa lang ako dahil sa loob-loob ko, seryoso pa rin ang mukha ni PJ ngayon kahit maligalig naman ang mga kausap niya. Hindi ba siya sanay tumawa o ngumiti man lang? Para siyang sasabak palagi sa gera. Sabagay, nakita ko naman na siyang ngumiti kahit papaano noong may tinitingnan siya sa kanyang phone noong nakaraan. May mga pagkakataon namang nangingiti siya pero sobrang malimit lang.
Madalas naman kasi, naiinis si PJ kapag may nakakahiyang nangyari sa akin imb
