Kung magsasama ako ng mga kakampi ko, hindi ako basta-basta mauutusan o makukulit ni Ms. Rina. Siguradong mas magiging masaya rin ang party na ito. Kaya naman pumayag agad ako sa suhestyon ni Sunny. Siya na raw ang bahala sa pag-invite sa iba. Samantalang, ako naman ang naka-assign kay PJ.
Pumasok na ako sa elevator ng condominium at magsasarado na sana ang pinto nang may kamay na humarang dito. Pag-angat ko ng tingin ay nagulat ako nang makitang si PJ pala ito. Akala ko ay kanina pa siya nakauwi, ayon pala’y halos magkasunuran lang kami.
“Hi!” sabi ko sabay kaway at tipid lang siyang tumango bago tumayo sa bandang likuran ko. Dito na kusang nagsarado ang elevator.
I simply cleared my throat because of the silence. Magpa-practice pa naman sana ako ng pwede kong i-spiel sa kanya para ma
