Yssabela
HINABOL ko si Esme. Tumakbo siya matapos niya kaming makita ni Elia na magkasama sa iisang kuwarto. Hindi ko nga alam kung bakit kailangan kong magpaliwanag sa kanya dahil sino ba siya sa iniisip niya? Wala naman kaming ginawa ni Elia na masama!
Ang sabi ni Elia ay sasama siya. Alam ko na ayaw niyang harapin ko ito nang mag-isa, pero kailangan kong makausap si Esme nang kaming dalawa lang. Alam ko na kailangan ko pa rin siyang makausap kahit dapat naman ay hindi namin need mag-explain sa kanya.
“Esme!” Hinabol ko siya pero mabilis ang bawat hakbang niya.
Hindi ko sinabi sa kanya ang tungkol sa amin ni Elia dahil alam ko na ganito ang magiging reaksyon niya. Alam din siguro ni Lola kaya nakiusap siya sa akin na huwag na munang ipaalam kay Esme. Naiintindihan ko rin naman na nas
