Yssabela
“MAY problema ba, Yssabela?”
Nang tumingin ako kay Elia, may kakaibang ekspresyon sa kanyang mga mata. Inisip ko pa kung narinig niya rin kaya ang mga iyon?
Huminga ako nang malalim at umiling.
Ikinuyom ko ang kamay ko pero naisip na huwag na lamang patulan ang mga iyon. Kakausapin ko si Esme at aalamin ko mismo sa kanya kung bakit siya nagpapakalat ng ganitong balita, kahit alam ko na rin kung bakit.
“W-Wala. Tara na.”
Hindi pa kami nakakaalis sa kinatatayuan namin ay may pumaradang kotse sa harapan namin. Binaba niya ang bintana at tumingin sa amin. Nakita ko si Gertrude na nakangisi sa amin.
“Hey, kayo na ba? Ang sabi, inagaw mo raw si Elia kay Esme? Alam ko na papansin si Esme at nakakainis, pero if that was really the case, mukhang mas nakakainis ka. Ganyan ba ang mg
