Yssabela
INILIPAT ako ni Dad sa school sa Manila, pero narinig ko na ipapadala niya ako sa ibang bansa. Mas maganda raw na roon na ako mag-aral para sigurado siya na walang manggugulo sa akin doon.
Hindi ako umangal. Hinayaan ko na lang siya.
Hindi na bumalik ang dati kong sigla. Kahit anong pilit ko, lagi akong nararamdam ng lungkot. Parati kong iniisip kung kumusta na si Elia.
Dad gave me a new phone. He also monitors me. Bawat galaw ko, nakakaabot sa kanya.
School at bahay lang ako, dahil kapag nagyayaya rin ang mga kaibigan ko, wala akong gana. Alam ko na nag-aalala sila sa akin, pero…wala lang talaga akong gana.
Pagkauwi ko, naabutan ko na tahimik ang bahay. Normally, sinasalubong ako ni Mommy. Kahit mukhang stress na rin si Mommy dahil sa pag-aalala sa akin, ginagawa niya pa ri
