Yssabela
“ANONG ginagawa mo rito?!”
Gulat na gulat pa rin ako na makita ang aking ama. Ilang buwan siyang hindi nagparamdam at nagtago. Halos makalimutan ko na nga na may tatay pa ako.
Galit ako sa kanya. Maraming dahilan kung bakit galit ako sa sariling ama. Kung iisa-isahin ko pa’y hindi ako matatapos sa listahan.
Nasa likod kami ng studio. Halata naman sa kanya na ayaw niyang magpakita. Natatakot siguro ito na may makakilala sa kanya at mahuli siya.
Gusto kong matawa. Oo nga pala. Dapat ay nagtatago siya. After all, marami siyang kasong kahaharapin kapag nagpakita siya.
“Ang tagal bago ko malaman kung saan ka hahanapin.” Tumingin siya sa paligid. Halata sa kanya na hindi siya mapalagay.
Hindi ako masaya na makita siya. Paano ako matutuwa? Kung kailan umaayos na ang buhay ko, tsa
