PASIMPLENG inangat ni Serena ang tingin sa gawi ni Mayor Raven nang makita niya ang pagtayo nito mula sa pagkakaupo nito sa swivel chair nito. Pasimple nga din niya itong pinanuod at nakita niyang lumapit ito sa gawi kung saan naroon ang water dispenser. Nakita nga din si Serena na nagtimpla ang lalaki ng kape.
Kumibot-kibot naman ang labi niya. Gusto nitong uminom ng kape pero bakit hindi na lang nito inutos sa kanya? Hindi ba, trabaho niya iyon bilang pansamantalang secretary nito?
Pero naisip naman ni Serena na baka sanay si Mayor Raven na magtimpla ng sarili nitong kape? Na ang gusto nitong kape ay iyong sarili nitong timpla.
Ipinagkibit-balikat na lang naman niya iyon.
Inalis na niya ang ginagawa at itinuon ang tingin sa mga sino-sort ni Serena na mga dokomento. Abala siya doon
