"PAPA."
Kitang-kita ni Serena ang panlalaki ng mga mata ni Raven nang marinig nito ang sinabi ng anak na si Selena. Kahit nga siya ay bahagya ding nanlaki ang mga mata nang marinig niya kung ano ang itinawag ng anak sa lalaki.
Hindi pa din nagbabago ang ekspresyon ng mukha nito nang bumaba ang tingin nito sa bata.
"Papa Rabem?" tawag muli ni Selena ng hindi pa umiimik si Raven, mukhang in-absorb ng utak nito ang itinawag ni Selena dito.
Kinagat ni Serena ang ibabang labi nang makita niya ang paglambot ng ekspresyon ng mga mata ni Raven habang nakatitig ito kay Selena, napansin nga din niya ang pamumula ng magkabilang mga mata nito ng sandaling iyon, mukhang pinipigilan ang sarili na huwag umiyak.
"Y-yes?" mayamaya ay wika ni Raven, medyo pumiyok ang boses nito.
"Yours na po ito,
