"OKAY lang ba kayong dalawa? Hindi naman kayo nasaktan?"
Hindi magawang makasagot ni Serena sa tanong na iyon ni Raven. Gusto niyang ibuka ang bibig para sana magsalita pero parang naumid ang dila niya dahil hindi niya iyon magawang maibuka.
"Okay lang po kami, Rabem. 'Di po kami saktan," mayamaya ay narinig niyang sagot ng anak kay Raven, dahil hindi pa siya nagsasalita ay ito ang sumagot para sa kanya.
Napansin naman niya na natigilan si Raven sa sagot ng anak. Napansin din niya ang pagbaba nito ng tingin kay Selena na karga-karga niya. May napansin nga siyang emosyon na bumalatay sa mga mata nito habang nakatingin sa anak.
"Rabem?" balik tanong nito sa anak niya. "Hindi na Papa Rabem?" Ginaya nito ang paraan ng pagbanggit ng anak sa pangalan nito.
Napansin naman niya ang paghab
