NAGULAT si Serena nang pagbukas niya ng pinto sa bahay nila ay bumungad sa kanyang mga mata ang pamilyar na mukha ng isang lalaki.
"Serena," wika naman nito ng magtama ang mga mata nila.
"Kuya Calixto," banggit naman ni Serena sa pangalan ng lalaki nakatayo sa harap niya. "Anong ginagawa po ninyo dito?" tanong ni Serena dito.
"Inutusan ako ni Mayor Raven na sunduin kayo para dalhin sa Municipal Hall," sagot nito.
Bubuka sana ang bibig niya para magsalita ng mapatigil si Serena nang marinig niya ang boses ni Nanay Mildred. "Serena, sino iyang bisita?" tanong ng Nanay niya sa kanya. "Oh, ikaw pala, Calixto," mayamaya ay banggit nito sa pangalan ng lalaki nang makita ng Nanay kung sino ang kausap niya. "Anong kailangan mo?"
"Inutusan po ako ni Mayor Raven para sunduin kayong lahat.
