"MAMA?"
Napatingin si Serena sa anak ng marinig niya ang pagtawag nito sa kanya. Nakita naman niyang nakapalumbaba ito sa mesa.
"Bakit?" malambing ang boses na tanong niya dito ng magtama ang mga mata nila.
Napansin naman niya ang paghaba ng nguso nito. "Wala po, Papa Rabem?" mayamaya ay tanong ni Selena sa kanya.
Hindi naman napigilan ni Serena ang mapaawang ang labi habang nakatingin siya sa anak ng tanungin nito si Raven. Saglit nga siyang hindi nakasagot pero mayamaya ay bumuka ang bibig niya para magsalita.
"Wala, anak," sagot niya dito. "Bakit mo hinahanap si...Raven?" tanong niya.
Kumibot-kibot naman ang labi nito. "Kasi sabi po niya luto niya ako peyborit ko. Pwamis po siya sa akin. Pero 'di po siya dating," sagot nito. Hindi naman niya napigilan ang mapatitig sa anak, hi
