“KUMUSTA ang trabaho mo kanina, ’Nak? Mukhang napakaaliwalas ng 'yong mukha.” Bungad sa akin ni Inay nang makarating ako sa bahay pagkatapos naming bumili ni Wayne kanina ng bago kong cellphone dahil kailangan talaga 'yon sa trabaho.
“Sobrang maayos naman, 'Nay. Naging masaya ang pagtuturo ko kanina sa aking mga estudyante dahil nga'y sobrang saya nilang makita akong muli. Mayroon pa silang pa-letter na nalalaman para sa akin nang pumasok ako sa silid-aralan.” Habang ikinukuwento ko ang lahat ng kaganapan kanina sa aking klase sa aking mga mag-aaral ay pati si Inay ay natutuwa habang nakikinig.
“Halatang mahal na mahal ka talaga ng 'yong mga estudyante, 'Nak. Akalain mong mayroon pa silang pa-welcome na ganoon.”
“Kaya nga po, 'Nay. Sa katunayan lang din ay nakakataba ng puso lalo nang n
