NABIGLA si Inay ngayon habang iniabot ko sa kaniya ang small brown envelope mismo rito sa hapag. Matagal pang lumapat ang kaniyang tingin dito bago niya ako nilaanan ng tingin. "A-Ano ito, 'nak?" naguguluhan niyang katanungan habang napatigil siya sa pagkain ng kaniyang hapunan.
Ngumiti ako sa kaniya. "Suweldo ko po, Inay."
"Anak, huwag. Hindi ko ito matatanggap," pag-ayaw niya habang pilit na isinauli sa akin ang small brown envelope na iniabot ko sa kaniya kanina.
"Inay, sa 'yo iyan. Hindi ba sabi ko sa inyo na tutulungan ko kayo sa mga gastusin dito sa bahay? Huwag po kayong mag-alala, nagtira pa naman ako para sa sarili ko."
Tuluyang sumuko si Inay at hinawakan niya na ngayon ang aking mga kamay. "Thank you,' nak ha. Simula nang iniwan tayo ng Itay mo, ikaw na ang naging bread winn
