KINURAP-KURAP ko ng ilang beses ang aking mga mata. Nakakapagod. Kung binilang ko ang aking pagbuntonghininga, siguro nasa isang dosena na. Aish! Kaloka talaga 'yon kanina. Hindi ko akalaing magtatagpo na naman ang landas namin ng Travester na 'yon. May kasalanan pa naman ako sa kanya. Hanggang kailan ba ako magtatago at lalayuan ang kanyang presensya? Hindi ko 'to ma-keri nang kaytagal. Nakipagtitigan pa rin ako sa kisame at hanggang ngayon hindi pa rin ako nakabihis ng pambahay. 6:47 PM. Kumusta kaya ang date ng babaeng 'yon? Kanina, tuluyan ko na talaga siyang nalibre ng milk tea. Buti na lang talaga, nawala sa isipan niya ang patungkol kay Travester dahil kung hindi, ipapakilala niya ako sa lalaking 'yon. May atraso pa naman ako ro'n. Wala ako sa sariling kinuha ang cellphone ko sa