“SA ʼTING susunod na iskedyul sa asignaturang Filipino ating ipagpapatuloy ang ating paksang tinalakay patungkol kay Francisco "Balagtas" Baltazar. Bilang inyong takdang-aralin, sa kaniyang tulang iniaalay para kay Selya, pumili kayo ng isa o dalawang saknong na inyong isasabahagi sa harapan sa masining na paraan,” paglalahad ko ng instructions para sa aming gaganaping aktibidad sa susunod na araw. “Mayroon bang mga katanungan bago natin tapusin ang ating klase?”
Kaagad ko namang nasakop ang nagpataas ng kamay sa gitnang bahaging upuan. “Binibini, ibig bang sabihing pagkatapos ng ating pagtatalakay, riyan din kami magpre-present?”
“Tama iyan, langga.”
“Maraming salamat po, binibini.” Bumalik ito sa pagkakaupo.
“Sino pa ang mayroong katanungan?” Ilang segundo rin akong naghintay kung ma
