Sa lumipas na tatlong araw ay makikita ang bawat pagkakaisa sa mga mamamayan ng Cait. Boluntaryong nagtulung tulong sila para maiayos muli ang kanilang nasirang bayan.
Iyon nga lang sa laki ng naging pinsala nito ay baka abutin pa sila ng tatlong buwan bago tuluyang matapos ang pagsasaayos nito.
"Kailangan pa namin rito ng mga kahoy bilang pang-suporta!"
"Sino ang maaaring humawak sa inyo sa kabilang dulo? Hindi kasi pantay ang pagkakabit nitong kahoy!"
"Teka lagariin niyo pa ang ibang kahoy diyan! Kukulangin kami rito!"
"Semento! Kailangan namin ng semento rito!"
"Kulang pa yata ang ating mga bato!"
Ganoon ang mga makikitang eksena habang nagbabantay sa kanilang trabaho si Count Bardoz. Pagkatapos ay wala sa sarili na nagpakawala siya ng malawak na hikab dahil na rin sa ilang araw
