HINDI ALAM NI ROCCO kung anong magiging sunod na hakbang ni Zania. Nakikisimpatya siya sa naging kinahinatnan nito. Katulad ng iba, pinili lamang nitong magmahal ngunit may mga pagmamahal na hindi kayang suklian kaya nauuwi sa kasawian. Iba-iba ang paraan ng pagdadala ng bawat sakit na nararamdaman sa dibdib. Walang kahit na sinong may karapatang kwestyunin kung paano nila iyon bitbitin.
Hinayaan niya itong umiyak. Magluksa sa kasawiang nangyayari sa buhay. Naiintindihan niya ito. Parehas niya rin ito, nawalan ng kaagapay sa buhay at anak. Ang pagkakaiba nila, siya, may pag-asa pang muling makita ang pamilya, habang ito ay babaunin na lang sa puso ang mga alaalang naging kayamanan niya. Hanggang wala siyang nakikitang ebidensyang wala na ang kanyang mag-ina, magpapatuloy siya.
Nagtagal
