KANINA PA INAALISA ni Rocco ang sitwasyong nangyayari sa buong bayan. Gano’n ang ginagawa niya habang naghihintay sa Belbi. Pinakinggan niya ang hinaing ng lahat sa abot ng makakaya para kapag gumawa siya ng hakbang, hindi siya magkakamali. Kahit ang Belbi, inintindi niya rin ang dahilan kung bakit nagkakaganito. Hindi lamang sa isang panig siya nakinig.
Labis ang pagtataka niya sa matinding galit ng Belbi. Dapat ang buong bayan ang galit habang ito ay mahihiya sa pagkuha ng anak ng iba ngunit biglang nag-iba ang pag-aanalisa niya sa sitwasyon kanina nang masipa niya ang tiyan nito at paulit-ulit na tawagin ang pangalan nito.
Habang humihingi siya ng tawad dito, ganoon na lamang ang unti-unting pagluwag ng buhok ng Belbi na nakapulupot sa kanyang katawan. Nawala na rin ang nakasakal sa
