NANG MAKABALIK SA Morefia, ang unang pinuntahan kaagad ni Rocco ay ang pamangkin. Kinamusta niya si Cosmo at inalam ang naging kalagayan nang panahong wala siya. Sa ganoong paraan lamang niya inaalis ang pangungulila para sa kanyang anak. Nakokonsensya sa tuwing sumasagi sa isipan niyang maaaring sa panahon ngayon ay hinahanap na siya ng kanyang anak ngunit wala siyang magawa. Nagpatong-patong ang kanyang tungkulin at obligasyon. Sa kabila ng lahat, hindi siya nawawalan ng pag-asa. Alam niyang itatakda rin ng tadhana na makitang muli ang dalawa. At kapag dumating ang araw na iyon, alam niyang malakas na siya at may kakayahang protektahan ang mga mahal sa buhay nang walang nadarama na kahit anong uri ng takot.
Matapos mananghalian, hinayaan ni Rocco ang sarili na makapagpahinga. Nakatanaw
