NAROON NA NAMAN si Rocco sa malalim na pag-iisip habang patuloy ang pagpagaspas ng palikpik ng pagi sa kalangitan. Mataas-taas na rin ang kanilang inililipad at kapag itinaas ang kamay ay maaaaring maabot niya na ang katubigan. Matindi ang pagkakakapit niya dahil madulas ang balat ng pagi. Naglalaro ang maraming agam-agam sa kanyang isipan ngunit hindi na niya inaalintana ang mga iyon. Para sa kanya, matatapos din ang lahat ngunit hindi niya nga lang alam kung kailan.
Kanina, bago sila lumipad papaalis ng palasyo, nagsilabasan pa ang mga mamamayan na nanghingi sa kanya ng tulong. Malinaw na ang isinisigaw ng mga ito ay ang pangalan ng kapatid ngunit hindi niya maiwasang huwag mag-alala. Pangalan ni Luther ang nakataya kaya kung anuman ang maging resulta ng mga gagawin niya ay ito ang maaa
