MINSAN NIYA LAMANG makitang blangko ang tingin ng kanyang ama. Isa na ang mga sandaling iyon. Kaya kahit nagpapahinga na ngayon sa kanyang silid sa Palazzo, hindi pa rin mapakali si Rocco. Katulad ng sinabi ng ama niya, malaki raw ang posibilidad na may mga portal pang binuksan sa mundo ng mga mortal. Sa laki ng lugar, saan niya hahalughugin ang mga iyon? Ang isa pang tanong ay kung anong balak ng mga ito roon? May binabalak ba ang mga kalaban na kailangan nilang malaman? Ang isa pa sa nakapagtataka, bakit hindi nabigla ang kanyang ama nang ipakita niya ang kuha ng babae sa CCTV? Tila ba may alam ito sa nangyayari na hindi pwedeng sabihin sa kanya. Kung mayroon man, bakit kailangan nitong maglihim sa kanya? Kailangan niya ng mga sagot sa kanyang tanong ngunit habang lumilipas ang araw, par
