قاسي بالإكراه

سامية: كريمه.. يا كريمه.. اندهي الولاد يلا.. كريمة: امرك يا هانم... في حديقة المنزل يلعب صغيران.. فتاه لم تتجاوز الرابعه ذات شعر اشقر حريري وعيون زرقاء اجنبية الملامح.. وفتي في التاسعة من عمره ذو شعر ناعم بني وعيون بنيه داكنة ذات اهداب غزيرة وبشرة خمرية .. فهد بتذمر:اوف يا ريم انا زهقت عمالين نلعب من الصبح علي راحتك.. مرة فتحي يا روده ومرة بعرايسك.. ودلوقتي في الطينه وهدومنا باظت.. وماما هتزعقلنا.. يلا بقي نشوف لعبه تاني.. ريم ببراءة:ايه فهت انا مث بلحب محاك اللي انت حاوثه.. وبلحب بالكوله محاك كمان.. ده دولي انا.. فهد:ومش انا بخليكي تدخلي فيا اجوان لما بنلعب.. يلا بقي انا زهقت من لعب البنات ده.. انا مش هلعب معاكي تاني.. ريم بسرعة:حلاث مش تزحل فهت.. ايه لأيك نلحب استحمايه.. فهد بإبتسامة:ماشي موافق.. بس انا هستخبي وانتي دوري عليا.. ريم:ماثي.. بث مث تستحبي في حته بحيده.. فهد:ماشي.. يلا غمضي عنيكي.. وانا هستخبي.. لتاتي اليهم كريمه: فهد .. ريم.. يلا تعالوا بسرعة علي جوا.. وايه اللي مبوظ هدومكم كدة.. يلا علشان تغيروا وتتغدوا.. فهد بتذمر :اوووف يا دادة.. احنا كنا لسه هنلعب استغمايه.. كريمه:معلش يلا الوقتي.. والعبوا بعدين.. في داخل الفيلا .. ساميه بصوت عالي اجش:ايه اللي عاملينه ده.. ده منظر.. ايه الق*ف ده.. انت معاقب يا فهد ..علشان تبقي تعمل كده تاني.. فهد بخوف:والله يا ماما مش انا.. ديه ريم.. ريم ببراءة:ايوه .. انا اللي قولت لفهت نلحب في الطينه ونزلع ثويه.. مث تزحقيله كده.. حسن بحزم:بس يا ريم.. المفروض انت الكبير.. وانت اللي توجهها.. وعقابا ليك انت هتتحبس في الاوضه ومفيش غدا ليك.. اتفضل.. فهد بحزن:بس يا بابا.. حسن بصرامه:قلت علي اوضتك.. كريمه خدي ريم.. غيريلها هدومها .. وهاتيها تتغدي.. ريم ببكاء:مث حايثة.. انت وحث.. بتزحق في فهت.. اهئ اهئ.. حسن بحزم:قلت يلا خديها غيريلها و*ديها.. في المساء في غرفه فهد .. يفتح الباب بهدوء وتدلف الي الداخل.. ريم:فهت.. فهت.. انت ثاحي.. فهد بضيق:عايزة ايه يا ريم.. ريم بحزن:انت زحلان مني.. فهد بضيق:امشي يا ريم.. انا معاقب بسببك.. وحتي مأكلتش.. قلتلك منلعبش في الطينه وانتي اصريتي.. وادي بابا زعقلي.... ريم بحزن:انا اثفة فهت.. انا حالفة انك زحلان .. وجحان.. بث.. جايبالك محايا ايه.. انا مث لضيت اكل من غيلك.. لتضع امامه صندوق به طعام.. انا حليت داده كليمه.. تحط هنا في الانث بوكس.. فلاخ كتيل عثان ناكل انا وانت.. ومث قلت لماما ثامية وعمو.. عثان مث يزحقوا.. يلا ناكل بسلعه.. فهد بفرحه:يلا يا ريم.. ده انا جعان اوي.. لتقبله ريم علي وجنته:حلاث مث زحلان مني.. ليرد فهد لها القبله وبابتسامة:لا مش زعلان.. وعمري ما هزعل منك ياريم.. ويلا بقي ناكل بسرعة قبل ما حد يجي.. بعد ان انتهوا من الطعام.. فهد:يااااااه.. ده انا كنت جعان اوي.. شكرا يا ريم.. ريم:وانا كمان.. احنا اكلنا كتيل فهت.. فهد بابتسامه :ريم انا معايا شيكولاته.. تاخدي واحدة .. ريم بفرحه:هيييييه.. انا بحبك اوووووي فهت.. فهد:وانا كمان بحبك اوي يا ريم.. خدي.. ويلا روحي علي اوضتك بسرعه قبل ما حد يجي.. ويزعقوا تاني.. ريم:ماثي.. انا هلوح عثان هما مث يزحقولك.. فهد بابتسامه:اول ما يخلص ال*قاب هاجي اقعد والعب معاكي.. يلا خدي lunch box ... معاكي.. تصبحي علي خير.. ريم:تصبح علي خيل يا فهت.. >>>>>>>>>>>>>>>>>>>>> ساميه:انت قسيت علي فهد ياحسن النهاردة.. حسن:سامية انا عايز ابني راجل.. مش عيل طري.. لازم اربيه كويس.. هو اللي هيشيل الحمل من علي اكتافي بعدين.. وانتي عارفه شغلنا.. مش عايز الضعيف.. ساميه بتنهيدة:بس مش كدة.. يعني انت بتخليني اشد عليه.. المفروض خد فينا يرخي.. الولد كدة يتعقد.. حسن:ولا يتعقد ولا حاجة.. كلنا اتربينا كدة.. ساميه خلصي بقي عايز انام.. سامية علي مضض:طيب.. تصبح علي خير.. ساميه متزوجه من حسن العامري ابن عمها.. ليس لديهم اطفال الا فهد.. يعيشون في فيلا العامري مع مراد اخو حسن والد ريم.. واخوه الثاني كمال وزوجته لمياء وابنتهم لبني.. عائله العامري لها صيت واسع في عالم رجال الاعمال وشركاتهم الهندسية للبناء والتعمير ذات المكانه العالية.. واعمال اخري سنعرفها مع الاحداث.. >>>>>>>>>>>>>>>>>>>>>>>>>>>>>>>>>> بعد فترة في المساء تدلف ساميه الي غرفة ريم ولا تجدها لتنادي علي كريمة.. ساميه:كريمة امال ريم فين.. مش في اوضتها.. كريمة:مش معقوله انا نيمتها بإيدي من شويه.. سامية بقلق:ازاي.. امال راحت فين.. مراد:خير.. فيه ايه.. سامية :ريم مش في اوضتها.. مراد:ازاي يعني.. كريمة بإبتسامه:انا عرفت هي فين.. سامية ومراد بإنتباه: فين.. كريمه:اكيد في اوضة فهد.. لما بتصحي بالليل وتخاف بتروح تنام هناك.. ساميه بضيق:كده غلط.. مراد:خلاص ياساميه مش مشكله يعني.. ساميه بعدم رضا:مراد.. ديه بنت وهو ولد مينفعش كدة.. لازم نعلمهم من وهما صغيرين الصح والغلط.. ويدلفا الي غرفه فهد ليجدوا ريم نائمة ومتدثرة.. وفهد نائم اسفل قدمها.. كريمه بضحكة:شفتي يا ست ساميه.. ليتجه مراد ويزيح الغطاء عن ريم ويهم بحملها ولكن يستيقظ فهد.. فهد بنعاس:فيه ايه ياعمو.. مراد بنبرة هادئه:مفيش يافهد.. هاخد ريم علي اوضتها.. فهد وهو يفرك عينيه:جت من شويه وقالتلي خايفة ونامت هنا.. مراد:ماشي.. كمل انت نوم وانا هاخد ريم.. تصبح علي خير.. ويدلف بريم خارج الغرفة.. ساميه وهي تنظر اليه بضيق:فهد متعودش ريم علي كده فاهم.. فهد بتوجس:انا معملتش حاجة ياماما هي اللي جت.. ساميه وهي تخرج:برضو.. متسبهاش تنام هنا.. يلا كمل نوم علشان مدرستك.. فهد بحزن:حاضر.. كريمة وهي تمسد علي شعره بحنان: معلش يافهد متزعلش.. يلا كمل نوم.. فهد:ماشي يادادة.. تصبحي علي خير.. كريمة وهي تعدل الفراش وتدثره:وانت من اهله ياحبيبي.. >>>>>>>>>>>>>>>>>>>>>>>>>>>>>>>> في المدرسة.. حاتم بضحكة:اهلا فهد اخيرا وصلتوا.. ازيك يا ريمو.. ريم:هاي حاتم.. لبني:اهلا حاتم.. حاتم بإمتعاض:اهلا لبني.. فهد يلا بينا علشان الطابور هيبدأ.. فهد:طيب.. يلا ياريم علي فصلك.. ريم:اوك.. حاتم بضحكة:شوفت يافهد البت ساره.. فهد:مالها ياحاتم.. حاتم:ههههه.. قفش*ها البنات وهي بتكلم الواد مرتضي.. فهد بضيق:مرتضي المصيري.. ده اصلا عيل رخم.. حاتم:فعلا عندك حق.. بس احنا بنعلم عليه دايما.. هههه..بنديله كل علقة وعلقة.. مرتضي من خلفهم:مش علي طول ياسي حاتم.. انت بس بتتحامي في فهد.. حاتم بسخريه:انا برضو اللي بتحامي يامرتضي.. تحب اوريك.. مرتضي:ولا تقدر تعمل حاجة.. ماجد:ايه يا جماعة مش من الصبح كدة.. امشي يامرتضي بلاش مشاكل مش ناقصينك.. فهد وهو ينظر اليه بضيق:بقولك ايه.. مش عايز اض*بك ع الصبح.. غور بقي.. مرتضي بخبث:مش لازم الصبح.. خلينا بعد المدرسة.. ولا خايف علي ريمو يافهد.. فهد بعصبية:انت ياحيوان ملكش دعوة بيها.. وغور بقي.. ويدفعه بقوة.. المستر بحزم:فيه ايه.. انتو تاني.. كل يوم خناق.. ماجد:احنا ملناش دعوة يامستر.. ده مرتضي هو اللي بيشاكل وجاي لعندنا.. حاتم:ايوة يامستر وهو اللي بيرزل علينا.. المستر: مرتضي..علي اوضة المدير فورا.. مرتضي بتذمر:انا معملتش حاجة دول بيكدبوا علشان اصحاب.. المستر بحزم:قولت يلا فورا.. تعالي ورايا.. ويرحل المستر وخلفه مرتضي.. حاتم بسخريه: هو فيه حد في الدنيا اسمه مرتضي.. ده اسم عتي عليه الزمن.. هههههه.. ماجد:هههههه..عند حق ياحاتومة.. عيل رخم اسما وصفاتا.. حاتم:ايوة.. وبتساؤل.. مالك يافهد..مضايق النهاردة.. فهد بتنهيدة:مفيش.. ماجد:مفيش ازاي.. ده انت حتي مش بتشاركنا الكلام.. فهد بضيق:قولت مفيش.. يلا خلينا نلحق الحصة بدل ماننطرد.. حاتم بضحكة:هي اول مرة يعني.. ما احنا علي طول مطرودين.. فهد بتعوج:ماهو كله منك يا غبي.. دايما مسمعنا الكلام.. ماجد بضحكة:الله اهو هيبتدي يفوق عليك.. اديله كمان يافهد.. حاتم برفعة حاجب:الله ايه ياكابتن ماجد.. انت لما هتبتدي تشوط الكورة عايز تجيب جون فيا.. لااااااا.. ده انا حاتم.. يلا ياض.. فهد بغيظ:شفتوا..ادي المستر قفل الباب.. ومش هينفع ندخل لحسن نتهزء.. هنعمل ايه.. حاتم بضحكة:انا اقولكم.. تعالوا نشوف فيه حصة ال**ب نروح نتف*ج علي البنات هناك.. لينظر اليه فهد وماجد بنظرات ضيقة وغضب... فهد :بص انا اللي هشوطك تعالي بقي.. ماجد بغيظ:فعلا.. انت كل تفكيرك في البنات.. تعالي.. ويض*بانه معا.. حاتم:اااااي.. بس ياعم انت وهو خلاص.. تعالوا نروح منين مانتم عايزين.. ماجد:بينا ع المكتبه.. فهد بتعوج:مكتبة.. مع اني مش عايز بس عقابا لحاتم يلا بينا.. حاتم بوجه باكي:مكتبة وبنات بنضارات.. حرام عليكم.. بصوا روحوا انتو وانا رايح عند حصة الالعاب.. ليطوقا فهد وماجد حاتم من الجانبين ويمسكا بذراعيه وينطلقا الي المكتبه وسط تذمر حاتم ومحاولاته الافلات منهم.. فعقاب حاتم المكتبة لكرهه اياها.. حاتم وماجد صديقا فهد منذ الطفوله معا منذ الروضة غير ان عائلاتهم لديهم بعض الاعمال مع بعضهم.. حاتم فتي مشا** يعشق الفتيات دوما مايجذب المشاكل كالمغناطيس.. مرح ورغم ذلك صديق وفي لفهد يعلم كل اسراره.. ماجد فتي مجتهد يحب القراءة يتمني ان يصبح طبيبا ذكي وصديق لفهد ولكن ليس كحاتم.. >>>>>>>>>>>>>>>>>>>>>>>>>>>>>>> في الهاتف.. مراد:نعم روبرت.. ماذا هناك.. روبرت:مراد.. اريدك ان تحضر ريمي الي هنا.. لقد اشتقنا اليها.. وماري تريد ان تراها.. مراد:ولكن روبرت.. انا مشغول الان.. ربما لاحقا.. روبرت بجديه:لا مراد..اريدك ان تحضر ريمي.. بالكثير نهايه الاسبوع.. مراد بضيق:سأحاول روبرت.. روبرت بإمتعاض:حسنا.. اراك لاحقا.. قبل الصغيرة بدلا عني.. وداعا.. مراد بتنهيدة:وداعا.. >>>>>>>>>>>>>>>>>>>>>>>>>>>> في منزل المصيري.. صادق بعصبية:كل يوم شكوي يامرتضي.. انت ايه.. مرتضي بتذمر:وانا مالي هما اللي بيجروا شكلي.. صادق بتحذير:مرتضي.. ملكش دعوة بفهد انا بقولك اهو.. مريتضي:يوووه.. كل شويه فهد.. ليه يعني يفرق عني ايه.. صادق بحدة: ركز في دروسك مش كل شويه تسقط.. شايف ابن العامري شاطر ازاي.. عايزك اشطر منه.. مرتضي بتعوج:اشطر منه.. لا انا هوريه وهعلمه الادب.. صادق بغضب: غور يامرتضي علي اوضتك مش عايز اشوف وشك دلوقتي.. ولنفسه بتوعد.. مش عايز مشاكل مع بيت العامري دلوقتي علشان اللي جاي.. >>>>>>>>>>>>>>>>>>>>>>>>>>>