قاسي بالإكراه

الفصل الثاني

مراد: ريمو حبيبتي..

ريم بفرحة: بابي..

مراد: حبيبة قلبي.. عندي ليكي حاجة حلوة..

ريم بسعادة: شوكلات..

مراد ضاحكا: كل حاجة حلوة شوكلات ياريم.. لأ هنسافر عند ماري..

ريم وهي تقفز فرحا: ياااااي.. grammy.. وبتذكر.. طب فهد..

مراد بتساؤل: ماله فهد ياريم..

ريم: هنسيبه هنا.. يجي معانا بابي..

مراد بإبتسامة: مش هينفع ريم..

عنده مدرسه وكمان سامية مش هترضي..

ريم بتذمر: لأ.. فهد معايا..

مراد بتنهيدة: ريم فهد مش هينفع يسافر مش كل مرة هيقدر..

ريم بدموع: لأ فهد..

سامية: مالها ريم يامراد بتعيط ليه..

مراد بضيق: هنسافر عند جدها وهي عايزة فهد معاها..

سامية: ريمو ياحبيبتي مش هينفع فهد يسافر معاكي.. عنده مدرسة..

ريم ببكاء: لأ.. ماما سامية.. فهد معايا..

سامية بتنهيدة: بصي ياريم انتي

تسافري وانا هبعت فهد وراكي.. ايه رأيك..

ريم بإبتسامة من بين دموعها: بجد.. يعني فهد يجي..

سامية بإبتسامة: سافري انتي مع بابي وانا هبعته..

ريم بفرحة: اوك.. بس مش تأخريه.. انا يروح يقوله.. لتركض

ريم الي غرفة فهد.. وبسعادة.. فهد.. بابي وانا يسافر وانت بعدنا..

فهد بعدم فهم: ريم اتكلمي بالراحة مش فاهم..

ريم وهي تأخذ انفاسها: بابي وانا يروح لماري وانت يسافر بعدنا..

فهد: اهااا.. يعني مسافرة..

ريم وهي تهز رأسها بالايجاب: yes..

فهد بحزن:طيب تروحي وترجعي بالسلامه ياريم..

ريم:ماما ساميه قالت هتبعتك ورانا هناك..

فهد بضحكة ساخرة:ايوة صح.. طيب ياريم..

يلا روحي علشان تحضري نفسك..

ريم بإبتسامه:اوك.. وانت كمان حضر

نفسك علشان مش تتأخر عليا..

فهد:ماشي.. يلا..لتخرج ريم.. ويحدث نفسه

بحزن.. بتضحك عليكي.. هتوحشيني ياريمو..

>>>>>>>>>>>>>>>>>>>>>

حسن: خير يامراد انت مسافر ليه..

مراد بتنهيدة: جد ريم عايز يشوفها..

حسن: طيب.. وبجديه.. منها تشوف الشغل هناك..

مراد: مش المرادي.. انا معايا ريم وانت عارف..

حسن بتعوج: طيب.. بس متتأخرش علشان عندنا

عمليه مهمة قريب.. ومتسبش ريم هناك هاتها معاك..

مراد: ماشي ياحسن.. بقولك ايه انا كنت

عايز اخلي ريم تقعد هناك علي طول..

سامية متدخله بحدة: لأ يامراد.. مش ممكن اسيبك تبعد ريم..

مراد: ياسامية ده احسن ليها بدل ما كل

شويه هنا وهناك.. البت ل**نها اتعوج في الكلام..

سامية: لأ يامراد.. انت عارف ريم بالنسبالي ايه ..ديه بنتي

زي فهد.. وانت عارف كدة..انا اللي مربياها من لما كانت

حته لحمة حمرا في اللفه.. وعوضتني عن..وتبدأ في البكاء..

حسن مربتا علي كتف سامية: خلاص ياسامية..

ريم مش هتبعد عنك.. وبجديه.. وبعدين احنا مش

هنرمي لحمنا يربيه غيرنا.. ولا ايه ياسي مراد..

مراد: بس انا..

حسن بصرامة: شكل جوازك من جيسكا اثر عليك

يا مراد ونسيت عاداتنا.. ريم بنتنا زي ماهي بنتك..

من لما جيسكا ماتت وهي بتولدها وهي معانا..

مراد بتنهيده: خلاص انا كنت بقترح بس..

حسن بضيق: خلصنا.. يلا علشان تلحق سفرك.. لينصرف مراد..

سامية بحزن: ريم بنتي ياحسن.. هي اللي

عوضتني عن عدم خلفتي مرة تانيه..

حسن: عارف ياسامية متقلقيش.. يلا روحي

حضري هدومها علشان تسافر وترجع علي طول..

ساميه وهي تمسح دموعها: طيب ياحسن هروح..

سامية لم تنجب غير فهد لانها بعد ولادته بمدة اصيبت بمرض سرطان

الرحم واستأصلته ولم تستطع الانجاب مرة اخري.. وتعتبر ريم ابنتها..

كانت ريم تلعب بإحدي عرائسها في

الحديقة لتأتي لبني وتجذبها منها..

ريم: ايه ده هاتي بتاعتي..

لبني: لأ هلعب بيها..

ريم معترضة: لأ.. هاتي انتي وحشة.. وتشدها منها..

لتقوم لبني بدفع ريم وتسقطها ارضا وتكمل: قولت هلعب بيها..

لبني ابنه عم ريم تكبرها بثلاثة اعوام.. وتصغر

فهد بعامين.. تغار من ريم بشدة وتحب ان تأذيها..

ليأتي علي صوت بكاء ريم فهد مسرعا..

فهد: فيه ايه مالك ياريم بتعيطي ليه..

ريم ببكاء وهي تشير الي لبني: اخدت عروستي اهئ اهئ..

فهد بغضب: هي اللي وقعتك كدة..

ريم وهي تومئ برأسها ايجابا..

فهد بغضب بعد ان جذب العروسه من لبني ودفعها بقوة

لتسقط ارضا وبنبرة غاضبه: قولتلك ياغ*يه متجيش عند ريم.. والله هض*بك..

وينهض ريم و ينفض عن فستانها الاتربه ويعطيها لعبتها ..

ويكمل.. خدي ياريمو متعيطيش وتعالي معايا.. ويمسك بيدها..

لبني ببكاء وتوعد: انا هوريك يافهد اهئ اهئ..

ريم وهي تنظر لها وتخرج ل**نها بشماته:

احسن لبني وحشه فهد حبيبي..

ليضحك فهد ويأخذ ريم معه الي الداخل..

لبني بتوعد: ماشي انا هوريكم وتركض الي

والدتها وهي تبكي ماما ياماما.. اهئ اهئ..

لمياء: مالك يالولو بتعيطي ليه..

لبني: فهد ض*بني ياماما..

لمياء بغضب: ايه..عمل كدة ليه..

لبني: علشان ريم.. واخد العروسه وادهالها..

لمياء بغضب: طب تعالي معايا.. وتذهب الي سامية..

وتكمل بحدة.. ايه ياساميه.. فهد مش هيبطل بقي..

سامية بضيق: خير يا لمياء عايزة ايه..

لمياء بعصبية: فهد ض*ب لبني..

سامية بتعوج: يعني ض*بها من الباب للطاق اكيد عملت حاجة..

لمياء بحدة: لا والله.. سامية لمي فهد يااما هيكون ليا

تصرف تاني.. مش علشان ريم يمد ايده علي بنتي..

سامية: اهاااا.. انتي ضايقتي ريم تاني علشان

كدة ض*بك.. بصي يالبني انتي عارفة فهد لو قربتي

من ريم هيزعلك.. ابعدي عنها بلاش الغيرة ديه..

لمياء بحدة: وبنتي تغير منها ليه ان شاء الله..

سامية قولتلك كفايه بقي..

سامية وهي ترحل: والله الكل عارف غيرة لبني من ريم

فبلاش نتكلم.. وبعدين انا مش فاضية.. سلام دلوقتي..

لمياء بغيظ: ماشي ياسامية اما نشوف..

سامية بضيق: البت وامها استغفر الله العظيم..

>>>>>>>>>>>>>>>>>>>>>>>>>>>

في يوم السفر ودعت ريم العائلة

ريم ولفهد بحزن: فهد انت هييجي علي طول مش هيتأخر مش كده..

فهد بإبتسامة حزينه: ان شاء الله ياريمو.. يلا علشان متتأخريش..

ريم: هتصل بيك فهد علي طول.. وتقبل وجنته..

هتوحشني اووي.. وللبني بق*ف انتي لأ.. مش

هتوحشيني.. وبتوعد.. انتي وحشة مش تتضايقي فهد..

لبني بغل: ولا انتي هتوحشيني ياريت تسافري مترجعيش.. وترحل من امامهم..

سامية وهي تحتضنها وتقبلها: هتوحشي ماما سامية ياريمو..

ريم: وانتي كمان ماما.. وبرجاء.. مش تزعلي فهد وتعاقبيه ماما..

سامية بإبتسامة: حاضر ياريمو..

>>>>>>>>>>>>>>>>>>>>>

في المدرسة..

حاتم:مالك يافهد.. الله امال ريم فين..

فهد بتنهيدة وحزن: سافرت عند جدها..

حاتم:اهاااااا..انا كدة فهمت انت زعلان ليه.. وبقرف.. عندك حق..

ومبقاش في وشك غير لبني الرخمة.. ياساتر عليها بت..

فهد بضيق:فعلا رخمة.. انا اصلا مش بطيقها.. ودايما بتضايقني..

حاتم بغمزة:اصلها عينها منك.. وبتغير من اهتمامك بريم..

فهد بإستنكار:عينيها مني ايه بس.. بقولك ايه

انا مش فاضي لرخامتك.. حل عني.. قال ابصلها ديه

ياساتر بت رخامة الدنيا فيها.. مش بنت عمي لكن مش بقبلها..

حاتم:طيب تعالي فيه ماتش كورة سله هيبدأ بعد نص ساعة استعد يلا..

فهد بفرحة:بجد.. طب بين مين ومين..

حاتم بضحكة لانه يعلم عشق فهد لكرة السلة:بينا وبين

فصل تاني.. وانا سجلت اسمك علشان تشارك في المباراه..

فهد بإمتنان :حبيبي ياحاتومة.. ربنا يخليك..

حاتم:يلا بقي علشان تلحق تسخن وانا كمان الحق المدرج الاول..

فهد:المدرج الاول.. بس اللي من فوق احسن..

حاتم بضحكة:لاااااا.. المدرج الاول احسن

علشان اعرف اشوف المشجعات كويس..

فهد بغيظ:بقي كدة ياحاتم وانا اللي فاكرك عايز

تقعد علشان تشجعني اتاريك علشان البنات..

حاتم بضحكة:ماهو منها اشجعك.. وبرضو اشجع معاهم

يلا يلا علشان تلحق تغير هدومك.. متعطلنيش.. سلام اشوفك

بعد الماتش..شد حيلك.. ويركض سريعا.. ويجلس.. ويجلس بجواره ماجد..

ماجد:ها ياحاتم فهد دخل..

حاتم:بص ياماجد من اولها تبعد عني خالص علشان اركز..

مش كل شويه تسألني وتقولي حاجة.. انت متقعدش جمبي اصلا..

ماجد وهو يلوي شفتيه:وليه ان شاء الله.. ويتطلع لما

ينظر اليه حاتم.. اهااااا.. قولتلي.. علشان البنات..

ماشي ياخويا.. انا هشجع فهد..

وانت يارب تجي كورة في وشك تشلفطه...

حاتم بعدم اهتمام:طيب طيب.. اسكت بقي..

فهد يعشق كرة السله ويلعبها بإستمرار في المدرسة والنادي.. ويحرز

بها العديد من البطولات.. وتلك الرياضة ا**بته الجسد الممشوق الرياضي القوي..

>>>>>>>>>>>>>>>>>>>>>>>

لبني بضيق:سلمي.. فهد مش مهتم

بيا خالص.. مش عارفة اعمله ايه..

سلمي: مش عارفة يا لبني.. وبعدين انتي معاه

في البيت يعني المفروض عارفة هو بيحب ايه ويكره ايه..

لبني:ايوة.. بس كل اهتمامه لريم.. مش بيبص ناحيتي..

سلمي:اممممم.. بس انتي بتقولي سافرت..

يعني هو لوحده.. حاولي تجذبيه ليكي يا لبني..

لبني:مهما عملت مش بيبصلي.. انا زهقت مش

عارفه عاجبه ايه في العيله الصغيرة ديه.. وبغل..

كل ده علشان عنيها زرقا وشعرها اصفر.. يارب ماترجع من هناك..

سلمي:طب بس بقي.. المستر بيبص علينا وممكن يزعق.. نكمل بعدين..

لبني بتنهيدة:طيب..

>>>>>>>>>>>>>>>>>>>>>>>>

في امريكا..

ماري:ريمي.. حبيبتي.. لما انتي حزينه هكذا..

ريم بضيق: لقد تأخرفهد كثيرا جدتي.. واشتقت اليه..

ماري: حقا.. وماذا عني.. انتي دوما تتحدثين عن فهد..

تعالي معي حتي نخرج سويا ونشتري بعض الاشياء..

ريم:لا اريد.. انا اريد فهد..

ماري بتنهيدة: حسنا.. انتظري ساعتان ونتصل

بهم صغيرتي.. والان تعالي لأعطيك بعض الشيكولاه..

ريم بفرحة:حقا.. انا احبك جدتي..

ماري بضحكة:وانا صغيرتي.. هيا تعالي معي..

>>>>>>>>>>>>>>>>>>>>>>>

روبرت:حسنا مراد.. ما الحال عندكم..

مراد:جيد روبرت..كل شئ علي مايرام..

روبرت:هل حدثت عائلتك بشأن بقاء ريم هنا..

مراد:نعم..ولكنهم رفضوا.. روبرت انهم متعلقون بريم كثيرا..وهي ايضا..

روبرت بتنهيدة:اعلم..وخاصة بذلك الفتي فهد..

ولكن مراد.. لا اريدها ان تتعرض للأذي..

مراد مطمئنا:لا تقلق..ستكون بخير.. واعلم ايضا

تعلقكم بها وسأحضرها دوما.. وبحزن.. انها تشبه جيسكا كثيرا..

روبرت بأسي:ابنتي الغالية..بلي.. مراد اهتم بريم جيدا..

مراد:حسنا روبرت..

روبرت:والان لنتحدث في العمل ما اخبار شركاتكم..

مراد: بخير..

>>>>>>>>>>>>>>>>>>>>>>

بعد فترة عاد مراد وريم الي مصر وسعد فهد كثيرا بعودتها..

>>>>>>>>>>>>>>>>>>>>>>>>>>>