قاسي بالإكراه

الفصل الثالث

في مكان ما..

حسن بحدة:قولت لا يا صادق.. ديه بتاعتنا احنا..

صادق بحقد: انتو هتكوشوا علي

كل حاجة ياحسن.. فيه ايه..

حسن بعصبية:انت هتخالف الاوامر

يا صادق.. شكلك كده هتقطع عيشك..

صادق بحدة:متهددنيش ياحسن.. مش علشان انتو ليكم معاملة

خاصة عند الريس تتفرعنوا كدة.. لااااااا.. ده انا اقلب التربيزه عليكم..

مراد بعصبية بعد ان نهض ووجه المسدس الي رأس صادق:

انت اتهبلت ياصادق.. فوق لحسن ادفنك هنا.. متنساش نفسك..

حسن وهو يبعد المسدس عن رأس صادق

ولمراد :مراد.. ميه مره اقولك اهدي.. مش كدة..

مراد بحدة:انت مش شايفه يعني..

حسن بحزم:مراد قولتلك اهدي واقعد.. وانت ياصادق..

تلتزم بالنظام والا انت عارف اللي هيجرالك..

صادق وهو ينظراليهم بغل وتوعد: ماشي ياولاد العامري..

هنشوف.. بس برضو مش هتكوشوا ع السوق لوحدكم..

صادق المصيري عائلته من اعداء عائله العامري..

يتنافسون علي الصفقات ويحاول كل منهم ان ينتهز الفرصة

ويسقط العائلة الاخري.. وسنري ماذا سيحدث معهم مع الاحداث..

>>>>>>>>>>>>>>>>>>>>>>>>

وبعد عامان..

بعد انتهاء اليوم الدراسي صعدوا الي السيارة لتقلهم الي المنزل..

لم تتفوه بكلمه علي غير عادتها فهي دائما ثرثارة تتحدث

بلا انقطاع معه عما فعلت في يومها المدرسي.. نظر اليها مستغربا..

فهد:مالك يا ريم...

ريم باقتضاب: مش فيه..

رفع حاجبيه ومط شفتيه تعبيرا عن عدم فهمه لحالتها و**ت

كلاهما حتي وصلا الي المنزل.. استقبلتهم كريمه بابتسامتها المعهوده قائله..

كريمه:حمدلله ع السلامه ياولاد.. يلا غيروا بسرعة علشان تتغدوا..

ريم وهي تتجه الي غرفتها:مش جعانه هغير وانام..

لتسأله كريمه عما بها.. مالها ريم

يا فهد.. حد عملها حاجة في المدرسه..

هز كتفيه وهو يتابعها بعينيه حتي اختفت وذهبت الي غرفتها...

فهد:مش عارف .. مرضيتش تقولي .. كنا

كويسين الصبح بس هيا معرفش ايه اللي حصلها...

كريمه:طيب .. روح غير علشان تتغدي..

فهد:انا هغير بس مش هتغدي .. انتي عارفة مش بعرف

اكل من غيرها.. انا هشوف مالها وبعدين نيجي نتغدي سوا..

كريمه:ماشي.. اللي تشوفه يا فهد..

ابدل فهد ملابسه وتمدد علي فراشه.. ناظرا للسقف..

متمتما.. ياتري مالها.. ايه اللي حصلها.. اغمض عينيه

محاولا النوم.. ولكنه لم يستطع.. فاكمل..

انا كده مش هعرف انام.. انا لازم اعرف مالها.. انا هروحلها...

دلف الي غرفتها.. فوجدها شارده امام المرآه.. فاكمل..

فهد: ريم.. مالك فيه ايه .. حد ضايقك النهاردة..

لم تعلق عليه..

فاكمل فهد بابتسامه:طب معايا شيكولاته تاخدي واحدة..

ريم:لا مش عايزة.. وبشرود.. فهد هوا انا وحشه...

فهد بتعجب:وحشه.. مين اللي قالك كده..

ريم:مش حد.. بس الميس دايما بتزعقلي وتقولي لمي شعرك..

وانا بيحاول يلمه مش بيرضي.. والبنات في البريك بيشدوه..

وبيقولوا.. هوا عشان انتي اجنبيه هتشوفي نفسك علينا..

وبدموع.. يعني ايه اجنبيه فهد.. ديه كلمه وحشه مش كده..

انا بيحاول يلم شعري بس مش بينفع التوكه بتقع منه...

ليضحك فهد بشدة:هههههه.. هو ده اللي مضايقك ومزعلك

ومخليكي مش عايزة تاكلي.. ده انتي طلعتي ع**طه يا ريم..

هههههه.. اجنبيه يعني جايه من برا زي امريكا او اي

دوله غربيه .. هههههههه.. بس ماهو انتي فعلا كده...

لنتظر له ريم بضيق ولا تعلق...

ليتوقف هو عن الضحك لرؤيه استيائها وبابتسامه عذبه:

متزعليش خلاص مش هضحك.. طب قولي انتي عايزة ايه...

لتجيبه ريم بدموعها:مش عارفة.. شوفلي

حل في شعري.. علشان مش يقولوا عليا اجنبيه...

فهد:طب عايزاني عملك فيه ايه..

لتناوله ريم الفرشاه:خد حاول تلمه..

فهد:انا مش بعرف اسرح شعر البنات يا ريم.. لتنظر له

بعيون دامعه .. ليكمل.. خلاص خلاص متعيطيش ..هحاول...

بعد العديد من المحاولات لم ينجح في لم شعرها

كان كلما يضع لها رباط يسقط بعد مده قصيرة..

ليزفر فهد بضيق:اووووف.. مش راضي يا ريم.. شعرك ناعم

زياده عن اللزوم.. ومفيش حاجة بتمسك فيه.. اعمل ايه تاني...

لتتن*د ريم بحزن: كده البنات هيشدوه وانا بيوجعني..

وبنظره لهفه كانها وجدت الحل.. طب ايه رأيك نقصه...

فهد بعدم فهم :نقصه...ازاي يعني...

لتسرع ريم الي الدرج وتخرج مقصا وتعطيه له.:

بالمقص انت تمسك شعري وتقصه.. انا مش بعرف...

ليعترض فهد: لا يا ريم انا مش هعمل كده.. قولي لماما...

ريم بحزن:قولتلها مش وافقت.. يرضيك فهد البنات

يشدوني منه.. بليز فهد..عشان خاطري يلا...

فهد بتردد: يا ريم ماما هتزعقلي.. وهتعاقب بسببك..

ريم بسرعة:مش تقلق.. انا هقولها انا اللي قصيته.. يلا بقي..

امام الحاحها و دموعها... رضخ اليها وبدء بقص شعرها...

فهد:ها يا ريم كده حلو..

لتمسك ريم ب*عرها: لا لسه..

ليبدأ فهد بالقص مره اخري: هاااا.. كده حلو..

مش هينفع اكتر من كده.. ده هيبقي اقصر من شعري...

لتنظر ريم برضا الي شعرها الذي قص حتي اسفل اذنها وبابتسامه:

لا كده حلو.. شكرا فهد.. لتقبله علي وجنته مكمله.. انا بحبك اوي...

ليبتسم فهد : خلاص مبقتيش زعلانه.. ممكن

ننزل ناكل بقي.. انا جعان ومرضتش اكل من غيرك...

ريم بفرحه:اوك يلا ناكل .. وبعد الاكل هتديني الشيكولاته..

فهد:ماشي.. يلا بينا...

ليهبطوا للاسفل لتشهق كريمه من منظر ريم

لتتحدث ساميه بغضب:ايه اللي عمل كدة

في شعرك يا ريم.. مين قصهولك كده..

لتنظر ريم الي فهد المتوتر قائله: انا ماما.. حلو مش كده..

ساميه بحده:لا طبعا وحش .. مين قالك تعملي كده.. وتنظر

الي فهد بشك.. انت اللي قصتهولها بالشكل ده يا فهد مش كده...

لتسرع ريم :لا ماما سامية انا اللي قصيته مش فهد..

مش تزعقيله.. البنات في المدرسه بيشدوني منه

و الميس بتقولي لميه وهوا مش بيرضي..علشان كده قصيته..

لتكمل ساميه بغضب:بالشكل ده.. انتي بوظتيه.. اتفضلي

غيري هدومك هنروح نظبطه.. ونحاول نصلح اللي عملتيه...

لتعترض ريم : بس هوا كده حلو وعاجبني..

ساميه بصرامه: قلت يلا.. بسرعة بدل ما تتعاقبي...

ريم بحزن:بس انا جعانه وعايزة اكل..

لتتن*د ساميه بضيق:اتفضلي كلي

بسرعة.. واعملي اللي قولتلك عليه.. يلا..

ليذهب كلاهما لتناول الغداء..

ليتحدث فهد في ضيق:مش قولتلك هتزعل وتزعق..

ريم ببراءة:بس انا قولتلها اني انا اللي قصيته مش انت وهيا مش زعقت فيك..

فهد بضيق:خلاص يا ريم خلينا نكمل اكل علشان اروح اذاكر..

ريم بحزن:انت زعلان مني.. طب مش هتديني الشيكولاته..

فهد:لا.. مش زعلان... وبابتسامه.. هديهالك بعد ما نخلص اكل..

لتتناول طعامها بسرعة حتي تأخذ ما تعشقه....

>>>>>>>>>>>>>>>>>>>>>>>>>>>>>>>>

في الهاتف..

حسن:يعني هتوصل كمان اسبوع..

المتصل:.........

حسن:طيب.. هنكون هناك في الميعاد..

المتصل:..............

حسن:قولت خلاص.. بس مش عايز حد يعرف بالموضوع..

المتصل:.........

حسن بتنهيدة:لا هاخد مراد معايا.. كمال هيفضل هنا..

المتصل:...........

حسن بإبتسامة:خلاص بقي.. انت عارف مراد ده ابني

وحبيبي.. متوقعناش في الغلط وتخلي كمال يسمعنا..

المتصل:...........

حسن بضحكة:سلام.. اشوفك بعد العملية..

>>>>>>>>>>>>>>>>>>>>>>>>>>>>>>>

ذهبت ريم مع زوجه عمها الي الكوافير

لتصليح شعرها.. و انقاذ ما يمكن انقاذه..

ساميه بضيق:ريم قصت شعرها وبوظته عايزاك تظبطهولها..

المصفف:امرك يا مدام ساميه.. بس بالمنظر ده هيبقي اقصر من الكاريه..

ساميه:اعمل اللي تعمله.. المهم يتظبط..

المصفف:اوك انا هظبطه..

ساميه:انا هسيبها معاك واروح هناك..

المصفف:تمام يا مدام.. ولريم.. ازيك يا حلوة..

ريم:كويسه..

المصفف وهو يصفف شعر ريم:شعرك حلو اوي يا ريم.. بس ليه قصتيه كده..

ريم:علشان مش بيتربط والبنات بتشدني منه.. وبيقولوا عليا اجنبيه..

المصفف بضحكة:ههههه.. هوا ده اللي خلاكي تعملي كده..

ريم: ايوة..

المصفف:بس ياريم .. انتي عارفة معني كلمه اجنبيه ايه..

ريم ببراءة وحزن:يعني حاجة وحشه..

المصفف:لا.. معناها انك حلوة اوي.. اوعي تخلي حد يخليكي

تفتكري انك وحشه.. دول بس بيقولوا كده علشان هما غيرانين منك..

>>>>>>>>>>>>>>>>>>>>>>>>>>>>>>>>>>>

عادت ريم الي المنزل..

فهد:رجعتي..

ريم:ايوة.. ايه رايك في شعري دلوقتي..

فهد بإبتسامة:حلو.. تصدقي كدة احلي من الاول..

ريم بفرحة:بجد.. خلاص انا هخليه كدة علي طول فهد..

فهد بإبتسامة:طيب ياريمو..

>>>>>>>>>>>>>>>>>>>>>>>>>>>>

قبل سفرمراد هو وحسن دلف الي غرفة ريم

وقبل وجنتيها وضمها الي ص*ره وجلس معها كثيرا..

مراد بإبتسامة دافئة: حبيبة قلبي اجبيلك ايه معايا وانا جاي من السفر..

ريم بإبتسامة: شوكلات بابي.. ومش تتأخر..

مراد بضحكة: حاضر ياقلبي.. مش عايزة حاجة تاني..

ريم: لأ.. بس مش تنسي تجيب معاك لفهد هدية..

مراد: حاضر.. وبتساؤل.. انتي بتحبي فهد اد ايه ياريمو..

ريم وهي تفتح ذراعيها: اد دنيا كلها..

بحب فهد اكتر من شوكلات بابي..

مراد ضاحكا: للدرجادي ياريمو.. ليه..

ريم :علشان هو علي طول معايا.. ومش بيخلي

حد يزعلني.. ويبض*ب لبني لما تاخد لعبتي..

مراد بتنهيدة: طيب ياروحي يلا علشان تنامي..

ويضمها الي ص*ره حتي تغفو بين ذراعيه ويقبلها ويدثرها ويخرج..

ويدلف الي غرفة فهد..

مراد: ازيك يافهد عامل ايه..

فهد بإبتسامة: كويس ياعمو.. انت عامل ايه..

مراد: الحمد الله يافهد.. ويجلس علي الاريكة ويشير

الي فهد ليجلس بجواره وينصاع لطلبه.. ويكمل وهو

ممسك بيد فهد.. فهد انا عارف انك راجل ويعتمد عليك..

فهد بإبتسامة: اكيد ياعمو..

مراد بإبتسامة: علشان كدة انا عايزك تاخد

بالك من ريم يافهد.. متخليش حد يقربلها..

فهد وهو يقرن حاجبيه بتساؤل: فيه ايه ياعمو..

مراد: مفيش بس انا عارف انك بتحب ريم مش كدة..

فهد مؤكدا: طبعا بحبها اوي ياعمو..

مراد بتنهيدة: وهي كمان يافهد.. انا مسافر وهسبها هنا..

خد بالك منها يافهد اوعي تسبها ولا تخلي حد يأذيها..

فهد: حاضر.. مش هخلي حد يقربلها.. بس مالك ياعمو..

مراد بإبتسامة: مفيش يافهد.. بس توعدني ان عمرك ماتسيب ريم..

فهد بجديه: انا عمري ماهسبها ابدا..

مراد: توعدني يافهد..

فهد: اوعدك ان عمري ما اسبها وهكون علي طول معاها..

مراد وهو يتن*د براحة ويحتضن فهد: انت مكاني يافهد مع ريم..

انا معتمد عليك.. ويبتعد عنه.. يلا انا هسيبك دلوقتي.. سلام يابطل..

فهد بتعجب: سلام ياعمو..

ويرحل مراد من غرفة فهد..

في اليوم التالي يودع مراد وحسن الجميع

ويحتضن مراد ريم بقوة ثم يتجه الي فهد

مراد وبجديه: فاكر قولتلك ايه يافهد..

فهد وهو يومئ رأسه بالايجاب وينظر الي ريم: ايوة فاكر..

ليمسك مراد بيد فهد ويضع يد ريم بين راحة

يديه ويكمل: اوعي تسيب ايديها يافهد ابدا..

فهد مشدد قبضته علي يد ريم وبجديه :عمري ياعمو متقلقش..

حسن: مش يلا يامراد.. هنتأخر..

مراد: حاضر.. ليقبل وجنه ريم ويقبل فهد ايضا ويرحل.. ولكن يلتفت

ليلقي نظرة سريعة عليهم ثم يدلف خارج المنزل ويرحل هو وحسن..

>>>>>>>>>>>>>>>>>>>>>>>>>>>>>>>>>

سافر كل من حسن ومراد علي حدود البلاد وذلك لتسلم

الشحنه المتفق عليها واثناء ذلك وجد من يطلقون النار عليهم..

>>>>>>>>>>>>>>>>>>>>>>>>>>>>>>>>>>>>>>>